Ego Katherina relicta olim Vlrici dicti Schauffler de Seherleins ad vniuersorum notitiam volo peruenire tenore presencium publice protestans, quod ego animo deliberato et sano meorum liberorum ex me per ipsum Vlricum procreatorum et amicorum ipsorum ad hoc accedente consensu pariter et assensu honorabilius et religiosis viris dominis Henrico abbati totique conuentui monasterii in Altovado ordinis Cysterciensis Pragensis diocesis ad officium pitancie dedi donaui resignaui libere et absolute rite et racionabiliter totaliter et omnino perpetue tenendum possidendum alienandum vendendum iure perhenni cura omnibus censibus iuribus consuetudinibus robotariis ipsum molendinum in predicta viila situm, in quo molendinator nomine proprio Leo longam et diutinam personalem fecit residenciam, in quo molendino ipse abbas et conuentus prefati cenobii singulis annis habuerunt et a nobis receperunt per meum antedictum maritum pie memorie Vlricum et per me et meos heredes censum firmum et certum ipsis porrectum triginta tantum denarios Patauienses, quem censum ipsi progenitores mariti mei suprascripti dederunt in remedium animarum suatrum ipso dicto monasterio in Altovado; quod molendinum totum cum fundo per omnia, ut supra dictum est, ego Katherina prescripta cum vniuersis meis heredibus plenarie contradidi sepefato cenobio ob remedium et salutem iamdicti et prescripti mariti et omnium suorum ac meorum predecessorum, totum ius, quod michi et dictis meis liberis in dicto molendino competebat sev competere posset quouis modo in futuro, in supradictos dominos abbatem et conuentum transfero et transfundo hereditarie pacifice et quiete. In cuius rei euidens testimonium presens scriptum et priuilegium prenominato monasterio et conuentui in Altovado presentaui et conscribi feci cum appensione sigillorum domini Marchardi militis strennui de Parisching protunc castellani castri in Rosenberch, et honorabilis viri Zmilonis de Ruben, qui ambo de certa ipsoram sciencia ob multarum mearum precum deuotam et incessabilem instanciam sua sigilla presentibus appenderunt in testimonium et robur omnium suprascriptorum, ipsis tamen iam dictis viris sine omni dampno et preiudicio semper et vbique quolibet postposito et semoto. Datum et actum anno domini millesimo trecentesimo sexagesimo.

Source Fulltext: PANGERL, Stift Hohenfurth (=FRA II/23, Wien 1865) S. 120-121