Que geruntur in tempore, ne simul labantur cum tempore, necesse est, ea sigillis ydoneo testimonio litterarum [perennari. Nos igitur] Petrus Judocus Vlricus et Johannes fratres germani de Rosenberg aduertentes naufragium mundi statum inconstantem [penitus et incertum] volumus tenore presencium vniuersis tam presentibus quam futuris, quod dominus Petrus de Rosenberg genitor noster pie [memoriae duo talenta denariorum Wye-] nensium reddituum dare ordinare et legare ordinauerat honorabilibus et religiosis viris . . abbati et . . . (sic) conuent- [ui monasterii in Altovado nostrae] fundacionis pro anniuersariis domini Gyetechonis de Zuzelicz et domine Offcze relicte domini Hinconis de Chrumpn- [aw, quae tamen testimonio litterarum] nondum fuerunt ratificata, licet alii redditus et elemosine pro dietarum animarum salute per iamdictum [genitorem nostrum patentibus litteris ro-] borata sint et firmata (sic). Predicti eciam abbas et conuentus prenarrati monasterii vnum talentum denariorum predictorum [in villa nostra Priedol quondam asser-]ebant habuisse vltra decimas, quas ibidem dinoscuntur possidere. Affirmabant nichilominus eciam predicti abbas et [conventus memorati monasterii, se a nos-]tris predecessoribus de theoloneo nostro seu muta in Merica superiori decimam veram et integram habuisse et in Chal-[tenprun similiter de theoloneo nostro] decimam partem et in ciuitate nostra Rosenberg similiter theoloneum de foro nostro decimo, de quibus omnibus nullum tes-[timonium litterarum producere nec]ostendere valuerunt. Nos vero volentes prenominatos . . abbatem et . . conuentum memorati monasterii ad creatorem al [dilectissimum deprecandum]* pro animabus progenitorum nostrorum, videlicet domini Petri et domine Katherine de Rosenberg, facere prompciores, et ut anniuersaria progenito-[rum nostrorum supradictorum] per eosdem affectuosius peragantur, pro quibus anniuersariis eciam alias donaciones ab eisdem nostris progenitoribus et [a nobis habent jux-]ta aliarum nostrarum ac progenitorum continentiam litterarum, prefato monasterio nostro et . . conuentui prescriptas decimas in theoloneis nostris supran-[otatis tenendas perpetuis] temporibus confirmamus, nullo nostro ac successorum nostrorum impedimento obstante, et possidendas pacifice et quiete ac eciam supran-[otata duo talenta praedictorum] denariorum, scilicet pro remedio domini Gyetochonis et domine Offcze animarum; preterea alia duo addentes, videlicet vnum tal-[entum praedictorum denariorum pro illo, quod] se in prenarrata nostra villa habuisse dicebant, et aliud ex gratia nostra speciali in judicio nostro in Rosenberg ipsi [monasterio et conventui damus] perpetue et assignamus, ita videlicet quod duo talenta prescriptorum Wyennensium in festo sancti Georgii et duo in festo [sancti Galli per judicem] ibidem in Rosenberg, qui pro tempore fuerit, sepefato monasterio nostro singulis annis assignentur. In cuius tes-[timonium et robur perpetuo valitur-]um sigilla nostra ex nostra [sciencia presentibus] sunt appensa. Datum in Ch-[rump-]naw an-[no] domini millesim-[o trecentesimo sexagesimo quarto duodecimo] die mensis Marcii.

Source Fulltext: PANGERL, Stift Hohenfurth (=FRA II/23, Wien 1865) S. 130-131