Ich Benesch von Gomarsicz ritter vnd ich Odalen sein aidem veriehen vnd tun chunt offenbar mit dem gegenwortigem prief allen lewten, daz wir paid vnverschaidenleich mit vensern trewen mit gesampter hant an allez gewer verhaizzen haben vnd gelten schvellen den geistleichen hern dem abpt vnd der sammvng gemain dez chlosters ze Hohenfurt in ir pitanczampt fvemf schok grozzer phenning Prager mvencz von sand Margreten tag, der nv ze stund hin ist veber czwai gancz iar. Tet wir dez nicht, so schvell wir oder noch vens venser erben vnd venser nesten vrewnt mit venserm guten willen an alle vrist vnd an alle widerred den vorgenanten erbern hern dem conuent dez obgenanten chlosters ze Hohenfurt auffgeben vnd abtreten mit vollem recht eines halben schokkes geltes vnd ewiges vreies zins ewigleichen ze haben zu erb vnd zu aigen, grozzer phenning Prager mvencz in venserm dorff, daz do haisset Gomarsicz auff dem halben lehen, do Andre anffgesessen ist. Daz di red vnd gelveb alle stet gancz vnzeprochen pleib, dorvmb geb wir disen prief zu einem sichtigen offen vrchvend versigelten mit vnsern paiden anhangunden ingsigeln, vnd durch einer pessern sichervng mit erbern lewt anhangvnden ingsigeln hern Marchwarten von Porisching ritters zu den zeiten purkrafen ze Rosenberch, vnd dez Busken gesaizzen (sic) Patak zu den zeiten purkgraven ze Welisching vnd Seyfrides Vlreichs aidem dez Drochawer, di daz tan haben durch vensern willen noch venser paider pet zu einer czewgnvezz in allen an schaden. Der prief ist geben noch Christes gepvert veber drewezehen hundert jar do noch in dem newnvndsechzigstem jar an sand Margreten tag.

Source Fulltext: PANGERL, Stift Hohenfurth (=FRA II/23, Wien 1865) S. 147-148