Cunctos humanitatis actus, ne in obliuionis materiam delabantur, sapientum consueuit discrecio litterarum testimonio roborare. Sed quia inter honorabiles el religiosos viros dominum Henricum abbatem totumque conuentum monasterii in Altouado ab vna et . . orphanos quondam domini Ludwici de Czwetlaren super decimis de curia arature in Michnicz villa per ipsos orphanos dicto abbati suoque conuentui assignandis lis et contencio parte ab altera vertebatur, nos vero Jodocus et Johannes de Rosenberg fratres tutores et fidei commissarii orphanorum predictorum nomine tutorio arbitrando pronuntiantes mandamus, quatenus memorati orphani aut legittimus prefate curie in Michnicz possessor, dum et quando annonas ab antiquo dare consuetas cuiuslibet generis preter aut omnes insimul messuerint effectualiter in ipsa curia per vnum discretum nuntium cum sufficient testimonio domestico, aut magistro curie in Hodonicz huiusmodi messem sic iam ad plenum factam sub ypoteca et ammissione duorum talentorum denariorum Wyennensium debeant declarare; quod si non fecerint, tunc ipsos mox preallegato monasterio in duobus talentis denariorum memoratorum nomine vadii fore arbitramur debitorie obligatos, vt veniente magistro curie in Hodonicz prius dicte et sic presente in sepefata curia Michnicz annonarum decime debito et consueto intersigno consignentur et sic consignate per ipsum curie Michnicz prouisorem ad ipsam conducte in vno singulari et ||
specialiter loco deputato vsque ad extrituracionem debent irrefragabiliter reseruare, etrituratas vero annonas prenarratus abbas aut suus conuentus propriis suis sumptibus in prelibata curia Michnicz ipsas decimas recipere debet totaliter et in toto solum ibidem stramina immota dimittendo. Sin autem . . magister curie Hodonicz prius fate ad consignandum decimas per intimationem nuncii, ut prefertur, non veniret, extunc ipsi orphani aut ipsius curie Michnicz possessor easdem decimas deducere poterit cum ceteris suis annonis, prout ipsius discrecionis consciencia eum edocebit, difficultate qualibet non obstante. Vt autem omnia premissa in singulis suis clausulis rata grata permaneant atque firma presentes litteras scribi ipsasque sigillorum nostrorum appensione iussimus in fidem validiorem communiri. Datum in Chrumpnaw anno domini millesimo trecentesimo sexagesimo nono dominica, qua "Judica“ decantatur.

Source Fulltext: PANGERL, Stift Hohenfurth (=FRA II/23, Wien 1865) S. 146-147