Ich Marchwart ritter vndt Prssibico ritter beydte bruedter von Porasching thuen khunt offenbahr mit diesen gegenwertigen brieff allen leuten, die ihn sehent lessent oder hören lössen, die nun lebent oder hernach khünftig sein, dass wür beydt vnuerschedentlich vnbezwungentlich bey vnssern gesunden leib zu der zeit, da wür es woll thun mochten, mit guten willen vndt bedachten mueth mit rath gunst aller vnsser beydter erben vndt aller vnser freundt vnss vndt vnssern vorvordern vnd nachkhomen zu einem ewig seelgeredt recht vnd redlich lauterleich durch offentlichen vor erbaren leuten frey lassen sicher vnd ledig ewiglich sagen vndt begeben von vnss vndt von allen vnssern erben aller mauth vnd aller forderung aller sach die erbern geistlich hern des klosters zu Hohenfurth alles das, es sey vieh wein oder treydt oder villerley, es sey klein oder gross wenig oder viell, das soll frey ledig sein ohn alle mauth vnd ohn alle forderung ewiglich, das man in ihr kloster triebe oder füert, durch vnssern markht der da heist Geblicz. Dass die redt vnd die geschäfft stet gantz vnd vnzerbrochen beleib von vnns vndt allen vnssern erben vndt von allen vnssern nachkhomen, darumben geben wür vnssern brüeff zu einem ewig offensichtig vrkhunt versiegelten mit vnsser beyden anhangenden insigl herrn Peters vndt herrn Jans beyder brüeder von Rossenberg, die das than haben durch vnsser bet willen zu einer zeugnus. Disser brieff ist gegeben da nach Christy gebuerth ergangen wahren 1370 (?) jähr am aller heylligen tag.

Source Fulltext: PANGERL, Stift Hohenfurth (=FRA II/23, Wien 1865) S. 149