Nouerint vniuersi presencium noticiam habituri, quod ego Petrus plebanus de Horicz super omnibus et singulis causis litibus et controuersiis, que inter me ex vna parte necnon abbatem et conuentum monasterii Altiuadensis super domo et area quadam ipsius cum agris pratis omnibusque pertinenciis ad eandem domum spectantibus sitam ibidem in Horicz vertentibus (sic) ex alia, non coactus uel compulsus sed bona et libera voluntate de alto et basso in honorabilem ac nobilem dominum Petrum de Rosemberch capelle regie omnium sanctorum in castro Pragensi prepositum tamquam arbitrum arbitratorem et amicabilem compositorem beniuole compromisi submittendo me ipsius arbitrio et pronuneeiacioni promittendoque mea bona fide quolibet excusacionis profugato colore sub pena decem talentorum eiusdem domini Petri arbitrio pronuncciacioni ac mandato stare parere necnon obedire cum effectu parti alteri soluendorum nec contrauenire aliqua ratione uel causa per me uel interpositam personam, quam quidem penam exnunc prout extunc et extunc prout exnunc, si contumax et inobediens extitero in seruando arbitrio prelibato, me fateor incidisse. In cuius rei testimonium et robur ac ad maioris cautele presidium ad meam peticionem sigilla honestorum dominorum Hostislai plebani in Chrurnpnaw et Bohdanczonis plebani in Welessin vna cum sigillo meo duxi presentibus appendenda. Datum Chrumpnaw anno domini millesimo CCC^o septuagesimo primo feria secunda post palmas.

Source Fulltext: PANGERL, Stift Hohenfurth (=FRA II/23, Wien 1865) S. 149-150