Nos Petrus et Johannes de Rosenbergh tenore presencium constare volvmus vniuersis, quod cvm nobis per honorabilem dominum Ottonem abbatem ac religiosos fratres conuentus monasteriiü nostri Altiuadensis pie propter deum foret supplicatum, quatenus hereditatem, quam a Benesio de Quassow in villa Lyebintail comparauerunt, in qua tres homines eorum censuales resident, qui ipsis pro censibus ac aliis juribus vniuersis tria talenta cum tribus solidis et sedecim denariis denariorum Wienensium de eisdem hereditatibus soluere obligantur, a omagio wlgariter lehen dicto, quod nobis in eadem villa competere dinoscitur, suportare dignaremur et libertare, vt eo obligaciores se pro nostris nostrorumque predecessorum animabus aput deum omnipotentum exhiberent interpellatores; asserentes nichilominus se super tali libertacione hereditatis antedicte nostram antea litteram habuisse roboracionis eamque per dominum Vlricum fratrem nostrum cassatam extitisse ac demum omnimodo perdidisse nobisque precibus intimis humiliter supplicantes, vt eandem gratiam libertacionis antedicte hereditatis ab ipso omagio diuine remuneracionis ob respectum restaurare dignaremur gratiose. Nos igitur amore dei omnipotentis eorum precibus inclinati ac per hoc cultum diuinum augmentare cupientes sepetactam hereditatem monasterii Altiuadensis antedicti in prefata villa Lyebintayl ab oneracione omagii prelibati omnimode liberam reddimus et solutam dantes ei in testimonium presens scriptum sigillorum nostrorum appensione munitum. Sub anno domini millesimo trecentesimo septuagesimo oetauo feria quarta ante festum sancti Jeorii martiris gloriosi.

Source Fulltext: PANGERL, Stift Hohenfurth (=FRA II/23, Wien 1865) S. 176-177