Ego Nicolaus dictus Plachta de Barssow tenore presencium recognosco vniuersis, quia Nicolaus filius Peraslini de Chuchlecz pro dotalicio sororis sue vxoris mee Katherine michi viginti quinque talenta denariorum Vyennensium asignauit. Ego vero prefate conthorali mee Katherine in omnibus bonis meis mobilibus et immobilibus que ibidem in Barsszow habeo, sexaginta quinque talenta veri dotalicii dedi et asignaui preter mediam sexagenam redituum, quam in eadem villa Barsszow super villano meo, qui Szratlinus dicitur, Gyte sorori mee prius tradidi et deputaui; alia vero omnia bona mea mobilia et inmobilia in villa mea Barsszow vxori mee pretacte do et asigno litteram per presentem, etiamsi valor eorumdem bonorum et rerum excederet taxam sexaginta quinque talentorum Vyennensis et Patauiensis monete denariorum, omne jus, quod in ipsis bonis et rebus habui, in ipsam Margaretham conthoralem meam transferendo, tali tamen sub condicione, quod si mee heredes legittimos contingeret generare, tunc ipsa conthoralis mea solum sexaginta quinque talenta in hereditatibus meis sepetactis obtinebit, reliquum vero quidquid habeo uel babuero, ad ipsos pueros meos omni absque controuersia et lite pertinebit. In cuius rei euidenciam et roboramentum sigillum meum presentibus duxi appendendum et pro maiori testimonio ad peticionem meam sigilla discretorum virorum Vlrici dicti Drochouecz de Omleniczka et Johannis dicti Zizka de Trucznow presentibus sunt appensa. Datum Chrumphnaw sabato ante dominicam "Judica“ anno domini millesimo trecentesimo septuagesimo octauo.

Source Fulltext: PANGERL, Stift Hohenfurth (=FRA II/23, Wien 1865) S. 175-176