Nouerint vniuersi presencium noticiam habituri, quia ego Miksyko de Hodanyez matura prehabita deliberacione sanoque amicorum meorum usus consilio condescendi et presentibus condescendo de quatuor sexagenis reddituum census annui minus octo denariis grossorum denariorum Pragensium in septimo medio laneo in villa Oczyewek sitis pro bonis illis, videlicet altero medio laneo in Hodonicz mihi per abbatem et conuentum monasterii Altywadensis condescensis, quorum laneorum ville Oczyewek predicte Martinus tenet medium laneum et censuat nouem grossos et tres denarios, Blahut medium laneum et tantum censuat, Jessko medium laneum et tantum censuat, Martinus nouem grossos et tres denarios, Mikess et Jesko decem grossos et denarios, Paulus sex grossos et quatuor denarios in decimam, Maczko duodeeim grossos et tres obulos, Velysslaw decem et octo grossos et obulum, Maczko nouem grossos et tres paruos, Vanko nouem grossos et tres paruos, Jacobus sedecim grossos sine denario. Et insuper omnes predicti homines soluunt duodecim pullos honoris honorabilibus (sic) et religiosis viris abbati et conventui monasterii Altyvadensis per ipsum abbatem et conventum cum pleno dominio habendis tenendis perpetuis temporibus ac hereditarie possidendis, provt census predicti a me actenus tenti sunt et possessi, nil penitus juris proprietatis et dominii in ipsis censibus seu hominibus prescriptis mihi de cetero reseruando; quas quidem hereditates seu census prenotatos ego Myksyko predictus et nos Petrus de Zyestow Zacharias eciam de Zestow fideiussores sui et vna secum manu in solidum non diuisa abati et conventui predictis disbrigare et libertare iuxta conswetudinem regni Bohemye solitam promittimus Dona nostra fide et sine dolo, ab omnibus precise hominibus ipsas hereditates seu census impetere jure qualicumque terrestri volentibus renitenaia absque quauis. Si autem ipsas hereditates seu census disbrigare ipsis nequiuerimus taliter, vt premittitur, extunc in nostris liberis et propriis hereditatibus tantum de censu cum tercie partis augmento condescendere debemus et tenemur, dilacione qualibet procul mota. Que omnia singula et premissa aut eorum aliquot si facere neglecserimus quouis modo, vt absit, extunc cum ab abbate et conventu predictis moniti fuerimus, quilibet nostrurn de fideiussoribus prenotatis cum vno famulo et duobus equis veri ratione obstagii in ciuitatem Crupnaw ad hospicium honesti hospitis nobis per ipsos deputatum subintrare tenebimur et debemus obstagiaturi inibi tam diu, quousque omnia prescripta impleta per nos non forent plenarie et in toto. In quo quidem obstagio, si nos per quindenam continuare accideret predictis omnibus taliter, ut premittitur, non expletis cum effectu extunc prestito per nos obstagio vel non prestito hiis lapsis quindecim diebus obstagii memorati abbas et conventus prenotati plenam habent et habere debent potestatem, septuaginta duas sexagenas grossorum denariorum Pragensium recipiendi et aquirendi inter Judeos vel Christianos, nostrum omnium super dampna et nos semper in eodem continuare debemus obstagio super nullo jure de eo exeuntes, quousque ipsas non soluerimus pecunias vna cum dampnis desuper accretis, que se abbas et conventus predicti sub iuramento ipsis solito percepisse dixerint non soluerimus plenarie et in toto. Hoc eciam addito, si aliquem de nobis fideiussoribus prenotatis, priusquam omnia prescripta impleremus, mori accideret, extunc in spacio mensis vnius a die monicionis per abbatem et conuentum predictos nobis facte alium eque bonum et habentem loco defuncti in fideiussoris (sic) substituere debemus et tenemur et litteram innouare sub punctis et clausulis prenotatis, et hoc sub pena obstagii memorati. Et qui hanc litteram de bona voluntate abbatis et conuentus predictorum habuerit, eidem ius omnium competit premissorum. In quorum omnium euidenciam ac robur firmius sigilla nostra de certa nostra sciencia presentibus duximus appendenda. Datum anno incarnacionis dominice milesimo trecentesimo octuagesimo septimo dominico die post Lucie.

Source Fulltext: PANGERL, Stift Hohenfurth (=FRA II/23, Wien 1865) S. 202-203