In nomine domiui amen. Cum olim inter honorabiles et religiosos viros abbatem ac conuentum monasterii in Altouado Pragensis diocesis ex vna et discretum virum dominum Przibiconem plebanum ecclesie parrochialis in Prziedol super decimarum jure et recepcione earundem gwerre et querele et diuersarum materiarum questiones parte verterentur ab altera, nos Johannes de Rosennbergh cupientes prefatorum monasterii et ecclesie parochialis querelis et earum iacturis, que exinde emergi in futurum possent, et dampnum non modicum monasterio et ecclesie in preiudiciurn predictorum fideliter obuiare, tenore presencium vniuersis presentibus et futuris volumus publice declarare, quod maturo prehabito et precedente consilio prefatis abbati et conuentui in Altouado deuotis nostris singulariter dilectis in prefata vvilla Prziedol super decem et octo laneis, super quolibet prefato laneo viginti et septem denarios Wienenses, vero titulo vendicionis asignamus et jure hereditario vendentes perpetuo resignamus ab ipsis fratribus de Altowado pro prefatis censibus quatuordecim sexagenas grossorum minus septem grossis in parata pecunia recipiendo, tali condicione notabiliter anotata, quod incolis et censualibus ipsius wille Prziedol de quolibet prescriptorum decem et octo laneorum singulis annis de summa census quam nobis nostris et predecessoribus ab antiquo. dare et porrigere solebant, prefati viginti septem Vienenses annuatim debeant deperire, ita quod ipsi incole ob gratiam eis huiusmodi factam plebano dicte ecclesie in Priedol, qui est vel erit in futurum, de quolibet premissorum decem et octo laneorum vnam thinam siliginis et vnam thinam auene in grano triturato et mensurato et prefatis fratribus in Altouado omnium annonarum, videlicet siliginis tritici ordei et auene, pro decimis veris decimum capete in campis dent deciment et assignent sine omni obmissione annis perpetuis cum effectu. Promittimus vna cum nobilibus dominis Vlrico fratre et Henrico fratueli nostris dominis de Rosennbergh prefatam vendicionem census prescripti bona et sincera fide ratam et firmam perpetuo inuiolabiliter obseruare testimonio et robore harum litterarum, quibus sigilla nostra de certa nostra sciencia sunt appensa. Sub anno domini millesimo trecentesimo octuagesimo octauo dominica "Letare“ in quadragesima qua cantatur.

Source Fulltext: PANGERL, Stift Hohenfurth (=FRA II/23, Wien 1865) S. 205-206