Ego Johannes dictus Borowecz de Rowny recognosco tenore presencium publice vniuersis, quod animo deliberato curiam meam in et cum villa Rowny cum omnibus agris cultis et incultis pratis pascuis siluis rubetis fluuiis riuulis et singulis iurisdiccionibus ad eandem spectantibus dudum honorabilibus et religiosis viris dominis abbati et conventui monasterii Sancte Corone ordinis Cisterciensis Pragensis dyocesis pro ducentis sexagenis grossorum Pragensium venditam michi Johanni prefato integraliter persolutis, quam curiam perpetuis temporibus dictis dominis abbati et conuentui Sancte Corone libere tenendam tradidi assignaui et omnimode condescendi omni eo iure libertate et dominio, ut ego Johannes pretactus dictam curiam tenui habui et possedi, prout in litteris desuper confectis plenius continetur, illa tamen condicione subnotata, quod dictam curiam vsque in mee vite finem tenere debueram frui et possidere vna cnm curia Muscherad, quam etiam a prefatis dominis Sancte Corone censualiter possedi et tenui. Ego vero Johannes Borowecz memoratus cum concensu et voluntate conthoralis mee Margarethe deliberacione matura prehabita dictarum curiarum et ville in Rowny possessionem vsufruicionem et omnem meam iurisdiccionem, quam ad mee vite tempora tenere debueram possidere, ut premittitur, et habere ultra vendicionem prenarratam, prenominatis dominis abbati et conuentui integraliter vendidi tradidi cessi resignaui et plenarie condescendi et presentibus resigno cedo et finaliter condescendo sie tamen, quod pro huiusmodi possessionis vsufruicionis et iurisdiccionis resignacione et cessione antedicti domini abbas et conuentus michi Johanni sepetacto de dictis curiis quatuor sexagenas grossorum Pragensium singulis annis diuisim dare assignare tenebuntur et presentare, duas sexagenas grossorum ad festum sancti Jeorgii venturum proxime et duas sexagenas grossorum ad festum sancti Galli deinde secuturum, cum nouem et dimidia sexagena grossorum et sex grossis census de villa ibidem a robotariis prouentibus usque ad vite mee tempora solummodo duraturis. Volens eciam de cetero, ut nullus amicorum seu heredum meorum quispiam iuris quidquam aut iurisdiccionem aliquam in futurum me decedente de et super curiis et villa predictis sibi possit uel debeat quoquo modo vendicare, nec eciam vxor mea dotis nomine de premissis nichil penitus repetere audeat quouismodo nec postulare, prout eciam vendicionum littere desuper confecte plenius attestantur. In casu vero, si me Johannem Borowecz prefatum quatuor septimanis antedictorum Jeorgii et Galli terminorum deo promittente ab hac luce decedere contigerit, extunc censum memoratum, quem dicti domini abbas et conuentus michi Johanni ad tale festum soluere deberent, conthorali mee Margarethe ad huiusmodi tempus tantummodo soluere tenentur. sed per amplius nequaquam soluere tenebuntur, sed debent ammodo dicti domini abbas et conuentus dictas curias cum villa robotariis et prouentibus ibidem perpetue libere tenere vtifrui et possidere, ut cetera ipsorum propria bona possident, impedimentis et excepcionibus quibuslibet procul motis. In quorum euidenciam et firmius roboramentum sigillum meum proprium in testimonium vero sigilla famosorum Nicolay (sic) dicti Wyssnye de Nespotyng et Walkunonis de Troynaw amicorum meorum carissimorum ad preces meas presentibus sunt appensa. Sub anno domini millesimo quadringentesimo octauo die sancti Vrbani.

Source Fulltext: PANGERL, Stift Hohenfurth (=FRA II/23, Wien 1865) S. 246-248