Kbel Johannes decretorum doctor canonicus ecclesie Pragensis vicarius in spiritualibus reuerendissimi in Christo patris et domini domini Sbinconis sancte Pragensis ecclesie archiepiscopi apostolice sedis legati generalis, ad vniuersorum tenore presencium deducimus noticiam, quod ex litteris donacionum pro ecclesia parrochiali in Striczicz per Onssonem de Wlhlaw bone memorie dudum factis coram nobis exhibitis et per nos visis accepimus, qualiter pro dicta ecclesia in Striczicz et ipsius plebano dictus Onsso in remedium animarum Nicolai fratris sui suorumque progenitorum et predecessorum octo sexagenas grossorum denariorum Pragensium dedit donauit deputauit et assignauit ac realiter cum pleno dominio condescendit de eisdem, de et super bonis et villis infrasriptis, videlicet in Chrastzan super sex laneis, quorum quilibet annuatim soluit pro termino sancti Georgii quinquaginta grossos et totidem pro termino sancti Galli, pro robotisque circa festum assumptionis sancte Marie decem et octo grossos, et in sexto laneo quadraginta grossis (sic) pro dictis duobus terminis, quos coluerunt Petrus Nicolaus Mathias Blahut Jesko Borsso Nicolaus Vicko Radslaus, et in villa Tupess de septem quartalibus quondam Laurencii centum et quinquaginta grossos et in villa Nyempczicz quadraginta octo grossos super vno laneo quondam Andree Zagiecz et super alia hereditate dicti Andree sex grossos, ita et taliter quod plebanus dicte ecclesie in Strziczicz oceasione dicte donacionis primo lampadem in ipsa ecclesia in Strziezicz die noctuque foueat et nutriat, quodque dictus plebanus vicarium seruet et teneat manualem apud ecclesiam eandem eidemque vltra expensas annis singulis de dictis censibus de scitu parrochianorum persoluat tres sexagenas grossorum et diebus sabbatis de beata Maria virgine et feria secunda pro animabus omnium fidelium defunctorum missam decantari procuret, necnon vnum anniuersarium fieri disponat pro remedio animarum Absiconis genitoris dicti Onssonis Czadkonis quondam canonici Pragensis Nicolai prenominati Swatomiri de Nyempczicz et Johannis ac aliorum Christi fidelium, qui ad emendos dictos census fecerunt subsidium, in quo anniuersario in exhortacione dictorum anime debent recommendari et hoc sub dicti census arrestacione et aliis penis in dictis litteris expressis, prout hec omnia et singula in dictis litteris donacionum sunt clarius expressa. Et quia Nicolaus dictus Hroza et Janco fratres in Wlhlaw, quibus bona prescripta, in quibus census prescriptus est designatus, adiacent de consensu nobilis domini Henrici de Rozemberg dicte ecclesie patroni domini Pauli plebani ecclesie ibidem in Strziczicz prescriptum censum ad alia bona videlicet ad villam Temelin Theutunicalem, vbi sunt octo sexagene cum media grossorum predictorum ultra.dictas octo sexagenas grossorum super hereditatibus et bonis, que Wenceslaus dictus Hostik Jesko Hapale Jacob vitricus ecclesie in Krstyenow Blahut Mikess Leonis Nykl caupo Barton Sebek Paulus dictus Haynuss Pessek judex et Cuba laici ibidem in Temelin excolunt tenent et possident, premissis debitis tractatibus cum domino Henrico de Rozemberg et domino Paulo plebano antedictis, prout ex litteris dicti domini Henrici de Rozemberg et ipsum dominum Paulum plebanum personaliter constitutis coram nobis sumus plene informati transtulerunt et transfere curauerunt de dicto censu in Temelin Theutunicali in dicti domini Pauli presencia coram nobis dicte ecclesie in Strziczicz et ipsius plebanis cum omnibus juribus et pertinentiis ac pleno dominio realiter condescenderunt. Pro quibus quidem censibus disbrigandis iuxta consuetudinem regni Boemie terre dicti fratres videlicet Nicolaus et Janco disbrigatores, videlicet Sulkonem de Salezl et Pauliconem de Czegeticz armigeros, ibidem presentes constituerunt, supplicantes fratres prescripti Nicolaus et Janco ac plebanus antedictus, cum dicta translatio sit facta in euidentem vtilitatem dicte ecclesie in Strziczicz et media sexagena grossorum predictorum ex dictorum fratrum donatione accreuerit, quatenus dictam translationem admittere censusque dudum per dictum Onssonem donatos et in litteris donationum descriptos a jure spirituali eximere ac ad jus et proprietatem sepedictorum fratrum ipsorumque heredum et successorum reducere ac eosdem census ipsis apropriare necnon census in Temlin Teuthunicali in hominibus superius nominatis et ipsorum hereditatibus dicte ecclesie in Strziczicz et ipsius rectoribus annectere vnire applicare inuiscerare et incorporare necnon omnia et singula superius descripta approbare ratificare auctorisare et ordinaria auctoritate eonfirmare dignaremur. Nos uero premissis omnibus a dictis partibus auditis intellectis et ipsis debite recensitis inquisicionem a testibus fide dignis super hiis omnibus et singulis fieri fecimus diligentem, et signanter an ex prescripta translacione census antedicti vtilitas et comodum dicte ecclesie in Strziczicz et ipsius rectoribus proueniant et poterint in futurum prouenire, anque census in Temelin prenominatus ita certus uel vtilior censibus prius nominatis et donatis. Cum autem ex huiusmodi inquisicione clare inuenimus et comperimus, quod ex translacione memorata vtilitas et comodum dicte ecclesie in Stricziczicz et ipsius rectoribus proueniant et poterint in futurum prouenire, censusque in Temelin Theutunicali cum aditamento medie sexagene grossorum census sint vtiliores censibus prius donatis. Ideo supplicacionibus sepedictorum fratrum Nicolai et Janconis ac domini plebani supradictis tamquam iustis rationablibus (sic) et juri consonis fauorabiliter annuentes prescriptam translacionem, prout rite facta existit per partes antedictas, saluis condicionibus in litteris donationum expressis et superius descriptis admisimus et admittimus per presentes, census olim per Onssonem donatos et in litteris donationum designatis, in quibuscunque bonis et locis existunt, omnem defectum, si quis ex prescripta narratione sit obmissus, presentibus supplentes et ad jus et proprietatem dictorum fratrum ipsorumque heredum et successorum reducimus ac huiusmodi census ipsis apropriamus, census autem in Temelin Theutunicali de et super hominibus superius expressatis descriptis et ipsorum hereditatibus predicte ecclesie in Strziczicz et ipsius rectoribus perpetuo annectimus vnimus applicamus inuisceramus et incorporamus, necnon omnia et singula superius descripta in suis punctis titulis condicionibus et articulis approbamus ratificamus auctorisamus et auctoritate ordinaria (?) confirmamus, decernentes omnia et singula temporibus emternis (sic) per dictas partes ipsorumque heredes et successores et successores (sie) teneri et inuiolabiliter obseruari sub penis ecclesiastice censure. In cuius rei testimonium presentes litteras fieri et sigilli vicariatus archiepiscopatus Pragensis appensione iussimus communiri. Datum Prage anno domini millesimo CCCCIX^o die XX. mensis Aprilis.

Source Fulltext: PANGERL, Stift Hohenfurth (=FRA II/23, Wien 1865) S. 249-252