Wir Pauls von gots gnadn abbte zw Hohenfurt Linhart prior Venzl subprior Thoman kellner vnd der gants conuent daselb bekennen mit dem offen brief, wo der verlesn wirdet, das dy erbrn Michel Rorrer Nickl Rorer Kysling vnd Tröster mit vns haben ain abbruch gemacht von wegn vier fleischpenncken, so yeder aine hat, dauon sy etlich jar kain zins geraicht haben, sonder gesagt deshalb frey ze sein, so sy doch nit haben mugen darbringen, darumb sollen sy vns jerlichn auf vnnsern Glashof zu sand Mertntag yglicher in sonderhait raichn funff phund vnslidt der gleich all ir nachkemen. Thetn sy aber solhs nicht, wem sy vns dy fleyschpenncken veruallen. Mit vrkund geben wir ine disen briue besigelt mit vnnsrn baiden clain furgedrugktn insigillen. Geben nach der geburd Cristi im xiii^C vnd lxi jar.

Source Fulltext: PANGERL, Stift Hohenfurth (=FRA II/23, Wien 1865) S. 297