Reuerendo in Christo patri ac domino domino Thome venerabili abbati monastery in Altouado totoque conuentui ibidem Cisterciensis ordinis Pragensis diocesis frater Sigismundus permissione diuina abbas monastery in Pawmgartenperg totusque conuentus ibidem eiusdem ordinis et Patauiensis diocesis deuotarum oracionum participium cum integritate cuiuslibet complacencie firmiter preadmissis et coronam cum vincentibus brauium cum currentibus denarium cum laborantibus obtinere. Cum secundum apostolum omnes in caritate Christi vnum corpus sumus et ad invicem membra expedit, ut sicut eiusdem corporis organa mutue compassionis et alterne seruitutis auxilio subleuantur, ita et nos, si ad capud principiumque nostrum referri volumus, alter alterius onera baiulemus, legem domini pro caritatis studio fideliter adimplentes. Proinde vestre deuotionis iustas et honestas peticiones attendentes, quas ad nos nostrumque, vt prefertur, monasterium geritis, veluti clara et veridica experiencia cognouimus, dignum putamus et diuine acceptabile voluntati, vt a nobis nouam prerogatiuam senciatis spiritualium graciarum. Quamuis alias in contractu fraternitatis nostre actum sit anno domini millesimo tricentesimo nonagesimo octauo et alia quedam in eisdem litteris comperimus posita illis non obstantibus, eapropter vos in Christo patrem dominum dominum Thomam abbatem in Altouado totumque vestrum conuentum ibidem presentes et futuros ad nouam feruentemque confraternitatem de recenti contractam et ad vniuersa singula nostre religionis ac monastery nostri suffragia vos in vita recipimus, pariter et in morte plenam participacionem omnium carismatum et spiriualium bonorum videlicet missarum orationum suffragiorum officiorum diuinorum jeiuniorum abstinentiarum disciplinarum penitenciarum meditacionum contemplacionum obseruantiarum deuocionum et omnium aliorum spiritualium bonorum tenore presentium gratiose conferimus, que per nos nostrosque successores operari et acceptare dignabitur elementia saluatoris. Addentes insuper quod cum diuine placuerit voluntati, de exilio instantis miserie vos et vnumquemque vestrum vocare, vesterque obitus multo annuente domino tempore differendus nobis fuerit nuncciatus, pro eterna vestra requie libro mortuorum cum nomine ascribetur, et vna deuota missa a quolibet sacerdote infra vero sacerdocium vnum placebo et tribus leccionibus (sic) perpetua firmitate veritatis peragemus, vt aliquando deum, vbi fieri non redimet, simul sicuti est videamus, exuti veterem hominem cum vero monte, qui Christus est, in orto deliciarum mala punica colligamus. Valeat feliciter vestra deuota et feruens Caritas in Christo Jesu domino nostro in eternum amen. In quorum omnium euidentiam atque robur presentes nobis damus litteras nostrorum sigillorum testimonio insignitas, anno domini millesimo quadringentesimo sexagesimo quarto decima die mensis Juny.

Source Fulltext: PANGERL, Stift Hohenfurth (=FRA II/23, Wien 1865) S. 301-302