Reuerendo in Christo patri domino Thome abbati religiosis insuper viris et dominis Jacobo priori totique conuentui monasterii Altiuadensis Cisterciensis ordinis Andreas prepositus Johannes prior ceterique canonici ordinis sancti Augustini monasterii vistiacionis beate virginis in Borowan salutem et ea, que ad salutem diriguntur sempiternam. Sane expertissimorum suasu, quorum vie viteque luce clarius nobis salutis prebentur, experimenta inducimur, vt nedum presentia contemplari verum tanto forcius de futuris debere intendere, quanto ea perpetuiora cognouerimus existere atque profutura, nec quidem felicius extimari potest, nisi qui cumulatis meritis omnium aduentantem dominum inpauidus prestolando propicium sibi habere valeat et placatum; sed quia vicio dediti humanitatis ambiguum est, dei amore an potiamur uel odio ea de re necessario alter alterius subleuari cogimur precibus. Vobis igitur in presentiarum viris venerandis veram fraternitatem et participacionem omnium et singulorum bonorum spiritualium que priuatim uel communiter facturi fuerimus fuuerintque successores nostri in domino sincerius elargimur eueque. Volumus preterea sicut et nos ita et futuros nostros obligari pro cuiuslibet anima defuncti ad vigilias maiores cum missa cantata et commendacione consueta singuli vero socerdotum vnam missam eodem uel alio die post obitus anunctiationem legere tenebitur (sic), subsacerdotes vero totum vigiliarum officium adimplebunt, fratres autem laici centum orationes dominicas cum totidem salutacionibus angelicis pro remedio anime persoluent salutari. Nomina quoque ipsorum fratrum ut nostrorum nostro mortuorum annotabimus libro. Huius ergo fraterne vnionis in robur presentes litteras sigillis prepositure et conuentus communitas caritatibus vestris assignauimus condecenter. Datum Borowan xiii^a Ffebruarii anno octuagesimo primo mille quadringentis enolutis.

Source Fulltext: PANGERL, Stift Hohenfurth (=FRA II/23, Wien 1865) S. 338-339