Hec est vera et auscultata copia littere incluse circa reliquias in manu noua atque pectorali argenteo ecclesie parrochialis in Hericz Pragensis diocesis contentas. [Folgt Nr. CCLXXIII. mit folgenden Abweichungen: Wolfgangus Knoll - manum nouam deauratam ac deargentatam simul - deuotissime obtulit - Eodem quoque die - pectorale has reliquias - infrascriptas: Item duas - supremo loco - virginis Marie lapillus - presentes peruenerint- Ytalia etc. - Tandem per successum - panniculis sericeis - predicator et nunc temporis vicarius - in prefato conuento nostro fehlt.] Hucusque exemplar seu copia huius littere supradicte diligenter auscultate. In quorum testimonium etiam presens littera iam dicti sigilli appensione munita est. -. Venerabilis et in domino Jesu cordialissime dilecte mi domine Erharde memorate ecclesie parrochialis in Hericz pastor et rector fidelissime! Hec omnia in hys litteris contenta vestra dominatio aut alius vester successor legitimus, si prelato vestro visum fuerit, poterit secundum meam conscientiam in ecclesia vestra populo intimare pro sola gloria dei et honore sanctorum suorum ac edificatione Christi fidelium in festo sanctorum Ffelicis et Adaucti martirum ibidem conuenientium, vt maiorem ex hinc hauriant atque coaseruent deuotionem atque de illorum sanctorum meritis et intercessionibus acquirant spem et fiduciam aput Christum saluatorem mundi, qui vos vestrosque successores vnacum grege vobis commisso felicissime conseruare dignetur. Valete et me vestrarum orationum deuotarum semper participem efficite etc. in vita et post mortem meam. Vester integer et fidelis seruitor et capellanus ffrater Wolfgangus Rabenstain pui supra. Cuius hec manus propria.

Source Fulltext: PANGERL, Stift Hohenfurth (=FRA II/23, Wien 1865) S. 344-345