||
Wir Karl von Gots gnaden romischer keyzer czu allen czeiten merer des reichs und kunig czu Beheim embieten den lantluyten, rittern und knechten burgern und insessen des halben ||
landis und der halben stad czu der Steinaw, unser lieben getrewen, unsir gnade und alles guet, wanne nue von Gotis vorhenkniezze seliger gedechtnisse der hochgeborne Bolke, eczwenne herczoge czu der||
Swidnicz , unsir lieber swager, von todis wegen leider vorscheiden ist, dem ir czu herren seine lebtage und uns dem hochgebornen Wenczlawen, kunge zu Beheim, unserme lieben soene, unsirn erben und ||
nochkomen, kungen zu Beheim und der cronen des selben kunigreichs, zu rechtir erbschaft vor gewartet habt, und nue noch seyme tode das vorgenanten halbeteil und ir uff uns, den egenanten unsir suen, ||
unsir erben und nochkomen, kunge czu Beheim, und die crone desselben kungreichs zu Beheim, lediclich widerkomen seit, als ir ouch darumb vormals uns, unserm egenanten sone, unsirn erben und ||
nochkomen, kungen zcu Beheim, und der cronen desselben kungreichs leiplich gehuldet, globt und gesworn und eine rechte erbhuldunge getan habt und wenn wir, nue vor notlichen sachen und geschef¬ ||
den des heiligen reichs nicht kegenwertik gesein mogen, euch und daz land leiplich inczunemene in craft der erbhuldunge, die ir uns getan habt als vorgeschriben stet, dar umb so haben wir ||
sulche ynnenuinge und ouch ander ordenunge bestelnisse und schickunge des landes zu Luesicz glicherweis, als anderr unser, und der cronen der kungreichs ze Beheim, lande dem egenanten kunge Wen¬||
czlawen , unserm sone, den das mit sampt uns erblich angehoret und von unsern und seinen wegen dem ewirdigen Johansen, erczebischofe zu Prage, unserme lieben fursten, ratgeben und andechti¬ ||
gem, als eynem vormuenden vorwesere und houbtmanne, wizzentlich mit ganczer und volkomener macht empholhen, also daz er, diselben unsere land, alle von unsern und des egenanten unsirs ||
sones, wegen ynnemen und ynnehaben sal und als ein vormunde vorweser und houbtman dieselben zu nucze und zu eren, unser, unsirs sones und der cronen des kungreichs czu Beheim, ge¬ ||
trewelich vorwesen und danen so gebieten wir und emphelhen, uch allen gemeinlich und uwirme iczlichem besunderlich mit disem briefe, ernstlich und vesticlich, daz ir zuhant noch ange¬ ||
sichte dicz briefes dem vorgenanten kunge Wentzlawen, unserme sone, unsern erben und nochkomen, kunge zu Beheim, als uwerr rechten, naturlichen und erblichen herschaft huldet, globet und ||
sweret, noch der vordern erbhuldunge slechticlich und an allen undirscheit und ouch im an allen undirscheit gehorsam getrew, gewere und undirtenik seit an alle widerrede als billich ||
und recht ist, also doch, daz der egenante erczebischoff odir wen, er darczu senden odir schicken wirdet, ob unser egenanter soen, darczu nicht koemen mochte, von welchen sachen, daz geschee die sel¬ ||
be huldunge, eyde und gelubde, als ein vormunde vorweser und houbtman von uch czu unsern unsirs sones, unserr erben und nochkoemen, kunge ze Beheim, handen ynnemen und emphaen sullen, ||
dem ir ouch gehorsamlich und getruwelich, als einem vorweser vormunde und houbtmane gewarten sullet. Mit urkunde dicz briefes, vorsigelt mit unserr keizerlichen maiestat ingesigel, der ||
gegeben ist zu Moden noch Cristes geburt dreiczenhundert jar, dornach in dem acht und sechczigisten jare, an send Bartholomeus tag, des heiligen czwelfboten, unserr reiche des romischen in||
dem drey und czwenczigisten, des Behemischen in dem czwey und czwenczigisten und des keyzertums in dem vierczendem jare .

||
per dominum imperatorem ||
Johannes Jaurensis.