||
Wir Jost, des hochgebornen fursten her Johansen marggrafen zu Merhern, unsirs lieben herren, ||
erstgeborner sun, von Gotes genaden marggrafe und herre des landes zu Merhern, bekennen und ||
tun kunt offenlich mit diesem briefe allen den, die yn sehen oder horen lesen, wie wol das sey, das ||
wir uns in briefen, die wir geben haben oder furbas geben werden, herren des landes zu Merhern ||
nennen und seys, das dennoch sulche nennunge einem iglichen kunige, dem kunigreich und der ||
cronen zu Beheim, von unser, unsern erben und nachkumen, marggrafen und herren des landes ||
zu Merhern wegen, die sich auch also schreiben wurden, allewege unschedlichen sein sol. An dem ||
bischofe zu Olomuucz und dem herczogen zu Troppaw, die in zeiten werden, ausgenomen dem ||
lantbern uff des bischoffs guten in Merhern, als es in den alten teilbriefen vollenkomenlicher ||
begriffen ist. Mit urkunt dicz briefes vorsigelt mit unserm anhangenden ingsigel, der geben ||
ist zu Bressla noch Crists geburte dreyczehenhundert jar, darnach in dem zwey und sibenczig||
sten jare an sant Scolastican tag, der heligen jungfrawen .