||
Wir Heinreich von Gotes gnaden herzog zu Slezie, herre zu Glogow und zu Sagan, veriehen und bekhennen offenbar mit disem brief allen den, di im leben und her nach ||
chunftig tun, daz wir mit bedachtem muet, mit guetem rat und willen aller unser vreunde, willichlich und unbetwungen haben von dem hogeborn mechtigen ||
fursten, hern Johannes, chunig zu Behem, grafen zu Lucemburc obristen fursten in Slezie und herren zu Bretzlav, unserm rechten lehen heren, alle unser lande und ||
Glogow halbe, und was darzu gehört, da wir recht zu haben mit irn weipilden und grenicen, als di unser vater zu seligen bedechtnuzze hat an uns bracht mit ||
purgen, vesten, steten, leuten und guet und mit allen den rechten, di wir dar inne haben, heut an disem tag fur uns und unser erben und nachkhomen mit ||
rechter cier und gewonhait zu rechtem lehen und zu manschaft enphangen. Auch hat der selbe unser herre, der chunig, durch besunder gnaden und gunst, di er zu ||
uns hat, uns und unsern erben alle unsere vetern, herzog Conrades von der Olsnicz und herzog Hannus von der Styna lande, ob si an erben verschaiden, verlihen. ||
Und haben wir fur uns und unser erben und nachkhomen gelbt und verhaizzen an aides stat mit gueten treun, an alle arg list, im und seinen erben und nachkhomen ||
chunigen zu Behem, mit den vorgenanten landen allen, di wir nu haben oder her nach gewinnen, di zu lehen gen von dem chunicreich zu Behem, getrewlich warten, ||
dienen und tuen an allen irn noten nach gwonhait der lande und als ein belehenter furste und man seinem rechten herren warten, dienen und tuen zu rechte sol. So ||
sullen auch der vorgenant unser herre, sein erben und nachkhomen, chunig zu Behem, uns und alle unser erben und nachkomen vertaidingen, beschermen und auch ||
behelfen an allen unsern noten, als ein herre, seinen man zu recht sol vertaidingen und behelfen gegen allermenlich, zu allen unsern rechten. Si sullen auch der vorgenant ||
unser herre, sein erben und nachkhomen, chunig zu Behem, nach unsern und unser vorgenanten vetern, landen und vesten nicht stellen, trachten noch sten es gesche ||
danne mit unserm und mit unser erben und nachkhomen guetem willen, und sullen uns pei den selben landen, weipilden und vesten und pei allem rechten, gwonhaiten ||
und grenicen lazzen bleiben, und auch da pei behalden und was wir vesten haben verlorn und uns zebrochen sein von dem chunig von Cracow, der sullen si uns ||
helfen und raten wider gwinnen und zebowen, so daz wir furbas mugen unser land und grenitz behalden und dar ubr diser sache aller sind geceugen, di wirdigen ||
veter in Got her Arnest, ertzbissof zu Prag, her Predzlav, bissof zu Bretzlav, her Johannes, bissof zu Meichsen, und di hogeborn fursten her Karl, unsers vor¬||
genanten heren des chunigs von Behem erstgebornen sun marcraf zu Merchen , her Johannes, herzog von Khernden, auch des selben unsers heren sun, herzog Bolco von||
Opol , her Reuzze, voyt von Plawen, her Hynk, genant Berk von Duben, her Heinrich von Luchtenburc, her Wank, her Jesk und her Benesch von Wartenberc, ||
her Hayman von der Duben, genant von Nachod, her Herman von Schonburc, genant von Crumczow, her Jesk von Mitchelsperc, her Ruzze von Lutitz, camrer in Behem, ||
her Fridrich von Piberstain und andere erben, heren, und ritter und layen und pfaffen genueg. Und dar ubr zu einer urchunde und zu einer stetichatt diser sach aller, ||
geben vorr disen offen brief, versigelten mit unserem hangunden insigel, der gegeben ist zu Prag an sand Clementen tag nach Cristes geburd dreucehen hundert jar, ||
in dem vier und vircigisten jar .