||
Wir Rudolph von Gots gnaden herczog ze Sachsen, des heilgen Romischen reichs erczmarschalk, Arnestus, erczpischof ze Prag, Rudolph der jünger, herczog ze Sachsen, Johans, herczog ze Mekkelnburg, von den ||
selben Gots genaden Albrecht, graf von Mogelingen, herre ze Barbey, Andreas, rittir von Globk, Albrecht, rittir von Warburg, Didrich, probst ze Berlyn, Andres von der Dwbe, Bote von Turgow, Jeske von||
Michilspergs , Wanke von Wartenberg und Jost von Rosenberg verjehen und tun kunt offenlich mit disem brief allen den, di in sehent, horent odir lesent, das wir dobei gewesin seint, und das gesehen und gehort habn, ||
und dorubir zu geczwge geschriben und gebeten sein und geczwgen, ouch das mit craft dicz briefs, das der hochgeborne fürste und herre her Woldmar, marggraf ze Brandemburg und ze Landisperg, des Heilgen Romischen ||
reichs erczkamerer , angesehen hat die trewe und di genade, di im der allerdurchleuchtigister fürste und unsirr genediger herre her KarI, Romischer kung, ze allen zeiten merer des reichs und kung ze Beheim, sein land ze ge¬ ||
wynnen und noth wol erczeigen mag, und hat dem vorgenanten unsirn herren, dem romischen kunge und kunge ze Beheim, sein erben und nochkomen kungen ze Beheim und dem selben kungreich und der cronen ||
ze Beheim geben und verschriben mit seinen briefen, di marck ze Lwsicz mit dem land und mit allen steten, festen, merkten, dorfern, herren, mannen, lehen, virlehenten guten, rittirn, knechten, schultheizzen, ge¬ ||
pawirn mit welden, pwschin, bergen, gründen, slichten, wazzirn und wazzirsleuften und mit allen rechten, gewonheiten, freiheiten, eren, wirden, gülden, nuczczen und herseheften und mit aller zugehorunge, wi¬ ||
man di mit besundirn worten benennen mag, als er und seliger gedechtnuzz, seine vorfarn marggraven ze Brandemburg, di selben marke ze Lwsicz mit dem land besessin hat und hat gelobt mit guten ||
trewen on geverd, das er alle stete, festen, herren, ritter, knechte, burger, sehultheizzen, gepawirr und allermenngleich in der selben marke und land ze Lwsicz an den vorgenanten unsirn herren, den romischen kung ||
und kung ze Beheim, seinen erben und nochkomen kungen ze Beheim on allen fürgeczog leiten und wisen sulle und welle und hat ouch gelobt für sich, sein erben und nachkomen marggraven ze Brandem¬ ||
burg, das si dem selben unserm herren, sein erben und nochkomen kungen ze Beheim, dorczu mit aller macht, wi und wenn si das ermanen mit gantzen trewen behulfen sein wellen widir allermenn¬ ||
gleich niemand uz zenemen, das si di vorgenante marke ze Lwsicz mit dem land, steten, merkten, herren, mannen, rittern und knechten und mit allir zugehorunge als vorgesehriben stet, gar und gentz¬ ||
lich erkriegen und in iren gehorsam bringen und dorumb sagt er mit craft seiner briefe ledig und loz alle herren, ritter, knechte, stete, purger, schultheizzen, pawirr und allirmenngleich, di in ||
der vorgenanten marke und land ze Lwsicz wonhaftig sein odir dorin gehorn, aller huldunge, trewen und eydes, der si im und seliger gedechtnuzze, seinen vorfarn marggraven ze Brandemburg vir¬ ||
bunden gewesin seint und welhe undir in das von im selber horen wellen, den gelobt er mit guten trewen on geverd, das er in das selbir sagen, welle mit seines selbes munde und ||
in sein offen briefe dorubir geben, ob si des muten und hat geboten in allen gemeinlichin und itlichim besundern, mit craft seinir briefe, gleichirwis als ob er selbir in das gebote mit seines selbis munde, ||
das si dem vorgenanten unsirm genedigen herren, dem Romischen kunge und kunge ze Beheim, seinen erben und nochkomen kungen ze Beheim hulden, swern und geloben sullen, getrewe, gehorsam ||
und undirtenig ze sein, als iren rechten erpherren, und hat sich verzigen für sich, seine erben und nochkomen marggraven ze Brandemburg mit bedachtem mute, mit guten willen und mit ful¬ ||
lem rate alles rechtes ansproche und anredunge, di si zu der vorgenanten marke und land ze Lwsicz herren, steten, festen, mannen, purgern, leuten armen und reichen und allir zugehorunge, als ||
vorgesehriben ist habn, gehabt habn odir gehaben möchten, und binamen ob er zu den steten Budissin und Gorlitz und irr zugehorunge dhein recht odir ansproche gehabt hette, der begibt und ||
verczihet er sich mit craft seiner briefe und ubir das bitet er den allirdurehleuehtigisten fürsten und unsirn genedigen herren hern KarI, Romischen kung und kung ze Beheim den vorgenanten, das er ||
di egenante seine gabe der marke und des landes ze Lwsicz, di er dem kungreich und der cronen ze Beheim recht und redlich getan hat, als vor geschriben stet, geruche ze confirmiren und ze be¬ ||
stetigen mit seinir kunglichin gewalt, di er hat von dem Heilgen Romischen reiche, wann er allen gebrechen seinir briefe ob keinir dorin ist dirfullen wel und an aller stat lwtirn und bessirn, wenn er des ||
von dem vorgenanten unsirm herren, seinen erben und nochkomen kungen ze Beheim geinrit und dirmanet wirt in der besten wise, so der selbe gebreche dirfullet und gebessirt werden mag, ouch be¬ ||
kennen und geczewgen wir, das der vorgenant hochgeborne fürste und herre her Woldmar, marggraf ze Brandemburg und ze Landsperg, in besundern seinen briefen do wir ouch ze geczewge ingeschriben seint, ||
seyne stymme und kur, di er hat als eyn marggrave ze Brandemburg an der wal eyns Romischen kunges an den vorgenanten unsirn genedigen herren hern KarI, romischen kung und kung ze Be¬||
heim , geben und keret hat und hat gelobt in guten trewen on geverd, das er in haben und halten, welle ze eyme Romischen kunge und seinen rechten herren und gen im alles, das tun sulle und ||
welle, das er gen eyme romischen kunge und seinem rechten herren billich und durch recht ze tun pflichtig ist und bi namen hat er gelobt, das er dem selben unsirn herren dem Romischen kunge ||
und kunge ze Beheim beigestendig und gehulfig sein welle und sulle mit aller seinir macht widir allirmenngleich niemand uzzenemen, di weil er lebt. Und des ze urkund und ze ewiger gedecht¬ ||
nuzz und sichirheit geben wir unsern brief, versigelt mit unsern ingesigiln, der geben ist ze Tempilberg bei Furstenwald, do man czalt von Christes geburd drewczehenhundert jar in dem acht und fir¬||
czigistem jar des nesten dornstages noch sand Michels tag .