||
Wir Fridrich von Gotes gnaden lantgrave zcu Duringen, marcgraf zcu Myszne, ||
in dem Osterland und zcu Landesperg, graf zcu Orlamund und herr des landes ||
zcu Plyszen , bekennen offenlichen an disem brife, daz wir dem allerdurchluchtigesten un¬ ||
serm lieben gnedigen herren hern KarI, Romisehem kunge, zcu allen zeiten merer des ||
richs und kunge zcu Beheim , hern Johans, herzcogen zcu Kernthen, und hern Arnest, ||
erczbischof zcu Prage , an den acht tusent schocken, die uns von der teiding ||
wegen die vor zcu Budyssin und nu zcu Dresden geschen sin, gelobt sint, ||
abslahen sullen und wollen, alles daz gelt, daz uns yzeunt zcu Brezlaw ge¬ ||
vallen ist oder furbaz mag gevallen, und wir Fridrich und Balthazar, des vor¬ ||
genanten herren Friderichs, marcgrafen zcu Myszen, sune voriehen und geloben ||
ab derselbe unser vater abginge von todes wegen daz Got wende, daz wir den ||
obgenanten unsern gnedigen heren hern Karl, Romischem kunge, sinem brudere und ||
dem ertzbischof, waz dem vorgenanten unserm vater geldes zcu Brezlaw ||
gevallen were an den obgeschriben acht tusent marken gentzlichen und on alle ||
widerrede abslahen sullen. Zcu urkund dar uber haben wir unser insigel an dise ||
brif gehangen, der gegeben ist zcu Dresden nach Cristi geburte drizcen hundert ||
jar, darnach in dem nun und firzcigesten jar an sunabendeb vor dem Obersten tag .