|N001|Wir Henrich, grafe von Honstein, herre zeü Sündirshusin, Heinrich und Günther, gebrüdere grafin von Swarzepurg, herrin zeü Arnstete, gelobin fur uns |N002|und unsir erbin mit gutin truwen an eydes stat an allis geverde, deme allirdürchluchtigestin furstin unsirm genedigin herrin hern KarI, Romischin |N003|konige, zcü allin zcitin merer des riches und künig zcü Bemen , daz wir im bestendig und beholfin wollin, sein wider hern Lodewiges |N004|kinder von Beygern kinder von Beygern, der sich etlewanne keysir nante und widir grafin Günthere von Swacpürg, herren zeü Arnstete, und widir alle andirn |N005|des vorgnantin unsirs herrin des Romischin koniges finde und widirsachin von disir zeit eyn gancz jar mit hündirt mannen, mit |N006|helmen, der wir fünfzeig legin sullen in unsir sloz, zeü weren und zeü behaldene unsir vestin, und mit den andirn fünfzeigin sullin |N007|und wollin wir im dinen in dem lande zeü Doringin uf deme felde mit rechtin truwen wider sine finden, so wir allirbeste mogin ouch |N008|gelobin wir für uns und unsir erbin mit gutin truwen an eydes stat, das dem vorgnantin unsirm herrin, deme Romischin konige und |N009|sinen houptlutin, die er dar zeü schicket, alle unsir vestin offin sein sullin, widir alle sine widirsachin, wenne er ir bedarf |N010|und der begernde ist in der vorgnantin zeiit on geverde. Mit urkünt dies brifes, versigilt mit unsirm insigiln, der gegebin ist |N011|zcü Erforte, do man zcalte noch Cristes geburt drizcen hündert und nwnundfirzcig jar an deme nestin sunabinde noch |N012|deme Obirstintage .