||
lch Reynhart, herre zu Westerburg, bekennen offenlich mit disem brief und tun kunt allen den, die in sehent, horent oder ||
lesent, wann mir der allerdurchluchtigst furste und mein gnediger herre her KarI, Romischer kunig und kunig ||
zu Beheim , die gnad getan hat, daz er mir meine lehen, diu ich von dem reich ze recht haben sol gnedichlich ver¬ ||
lihen hat, und mir dar zu uf seinem zolle uf dem Ryn von iedem fuder weins zwen grozze turnos, wo oder ||
wie ich die erwerben mag von fursten, herren und friunden, die zolle uf dem Reyn haben uzgenumen, der burger ||
von Coln, die dar inn nicht sullen begriffen, sein gegeben und verschriben hat, dar umb han ich im gehuldet, ge¬ ||
lubt und gesworn, daz ich im getrewe gehorsam und undertenig sein wil und sol, als einem Romischen kunge und ||
meinem rechten herren und im geholfen sein sol, wider aller menichlich, die weil er lebt an allez geverde und gelobe ||
im auch getriwlich ze helfen und dinen mit fumfczig man, mit helm uf sein kost in dutschen landen, nicht in daz ||
Gepyrg noch uber walt, wenn er mich dez ermont. Dar uber zu urkund gib ich disen brief, versigelt mit ||
meinem insigel, der geben ist zu Mentz, nach Crists geburt dreuezehen hundert und neun und vierezig jar ||
an dem suntag der heiligen drivalticheit .