||
Wir Fridrich, Balthazar, Ludwig und Wilhelm, gebrudere von Gots gnaden lantgrafen zcu Duringen, marcgraven zcu Myszen in dem ||
Osterlande unde zcu Landesperg, graven zcu Orlamunde und herren des landes zcu Plyszen , voriehen offenlichen an disem geinwer¬ ||
tigen brive, und tun kunt allen den, die in sehen horen oder lesen, daz wir dem aller durchluchtigsten fursten und unserm gnedigen herren ||
herren Karl, Romischem kung, zcu allen zeiten merer des richs und kung zcu Beheime, und den hochgeborn fursten und herren Johans, ||
marcgraven zcu Merhern , und Wenzceslawen, sinen brudern, iren erben unde nachkumen kungen zcu Beheime und der cronen da selbens ||
marcgraven zcu Merern und grafen zcu Luczcemburg von unser und unser erben und nachkumen wegen fursten und herren der ||
vorgenanten unser herschefte und lande mit vollem rate unde wolbedachtem mute gelobt haben und geloben ouch mit disem geinwer¬ ||
tigen brive, mit geswornem eide in guten truwen on allez geverde, daz wir und unser erben und nachkumen unserm obgenanten ||
herren, sinen brudern, sinen und iren erben, alle teidinge einung vorbuntnuzz unde gelubde, die zcwischen in und etcswenn dem hoch ||
geborn fursten und herren hern Friderich, marcgraven zcu Myszen, unserm vater seligen und uns geschen bevestent und vorbrivet sint nach brive ||
lute, die sie und wir daruber geben haben stete und gancz on alles minnernuzz halden sullen und wellen, und alle stuck und artikel, ||
die in brifen, die daruber geben sint, beschriben sint und begriffen, die sullen in allen iren creften volliglichen bliben, daruber zcu einem offen ||
barn gezeugnusse, haben wir Friderich und Balthazar vorgenante unser insigel under, den wir Ludwig und Wilhelm, wenne wir noch nicht ||
eiginer insigel haben mit guten truwen und mit geswornem eide gelobt haben und geloben an disem selben brive, alle di vorgeschriben rede ||
stete und gancz zcu haldene an disen brif lazen hengen ouch geloben. Wir Fridrich und Balthazar obgenante, wenne Ludwig und Wilhelm, ||
unser bruder mundig werden und eigin insigel gewinnen, daz wir, die an disen brif so wir erst mugen schaffen sullen on geverde, gesche ||
iz, aber von welchen sachen, daz queme, daz diser brif mit unser vorgenanten brudere insigel nicht vorsigelt wurde, dennoch sal er an ||
allen stucken und artikeln glicherwiis, als ab ire insigel daran kumen weren, stete und gancz gehalden werden, hie bi sint gewest ||
und sint ouch gezcug, der erwirdige in Gote herre Johans, bischof zcu Olomuncz, und die edeln Wilhelm von Landestein, Wamke ||
von Wartenberg , Bothe von Turgow, herre zcu Arnow, Friderich von Schonenburg, herre zcu Crimatschow, Thime von Colditz, unser ||
marschalk , und die strengen Albrecht von Malticz unser hoverichter und Arnolt Judeman, rittere unsers vorgenanten herren und unser heim¬ ||
lichere und ander frumer lute gnug. Ditz ist geschen und dirre brif ist gegeben zcu Budissin nach Cristi geburt drizcen hundert ||
iar in dem funfzcigsten iar an sent Dorothee tage .