|N001|Wir Ruprecht der Elter von Gotis gnaden pfalenczgrave bei Reyn, des heiligen reiches obrister druchtsezze und herzog in Beyern, bekennen und tun kunt |N002|offenlich mit diesem brieve allen den, dy yn sehen oder horen lesen, daz wir mit wolbedachtem mute mit rate unsir frunde und mit rechter wizzen dem aller¬ |N003|durchluchtigstem fursten und hern, herrn Karl Romischem kunige zu allen zeiten merer des reichs und kunige ze Behem, unserm lieben genedigen herren seinen erben |N004|und nachkommen, kunigen zu Beheim, und der cronen desselben kunigreichs erblichen und ewicliehen umb czwelf tausent mark lotiges silbers, domit er den hochge¬ |N005|bornen fursten herren Ruprechten den Jungern, unsers bruders sun auz seinem gevengnuzz von Sachsen geledigt und geloset hat, die nachgesehriben vesten Nuewen¬ |N006|stat, Stornstein, Hirzow und Lichtenstein und darnach umb czwenczig tsusent mark lotiges silbers, die er uff seliger gedechtnuzze den hochgebornen fursten hern |N007|, unsern lieben bruder uns wizzentlich gewendet und ym gelihen hait, die nachgeschrieben vesten, |N009|Velden, Pegnicz daz Plech und Hohensern und alles, daz unser bruder der egenante in Beyern innegehabt und besessen hat, mit allen dorfern, leuten, her¬ |N010|schefften, guten, gerichten, bennen, zollen, vogteihen, geleiten, vorsten, wiltpennen, gulten, zinsen, nuczen, rechten, velden, welden, puschen, geiegeden, |N011|vognweiden, wiesen, weiden, wazzern, mülen, wazzerlauften, teichen, vischireyen, bergen, grunden, slechten, gemerken, creizen, weitpilden und allen nutczen |N012|ob und under der erden, wie man die genennen mag, und auch mit rittern, knechten, mannen, manschefften, lehen, lehenschefften, verlehenten, guten, kirchlehen |N013|und gotisgaben, dienern, eigenen leuten und allen zugehorungen erbe und aigen, als es gelegen ist, recht und redelich verkauft haben und verkaufen |N014|in aller der maz, als si der obgenant unser bruder seliger innegehabt und besassen hat, und als sie von seinem tod auf uns erbeclich verfallen waren. Und |N015|darumb, daz von desselben kaufes wegen das heilig reich nicht beschedigt werd an seinen rechten, di wir pflichtig sein zu bewarn, zo bekennen wir |N016|und kunden offenlich, daz die obgenanten zwu stet Hersprugg und Aurbach und di veste zu dem Hohenstein zu lehen ruren von dem heiligen reich und |N017|haben sie unser elder und vorfaren, pfallenczgraven by Rein und herzogen zu Beyern seliger gedechtnuzze, und wir zu rechtem lehen gehalden von dem |N018|reich. Darumb haben wir verkaufet und verkaufen den obgenanten unserm herren dem romischen kunig, als einem kunig zu Behem, sinen erben und nach¬ |N019|komen, kunigen ze Behem, und der kron des kunigreichs ze Behem diselben zwu stet und di vesten in derselben weis und tragin ym die auf |N020|wann er, als ein romischer kunig ir lehenherre ist, mit seinem verhengen, gunst und guten willen, als eines romischen kunigs, also daz er |N021|als ein kunig ze Behem, sin erben und nachkomen, kunig ze Behem, und di kron des kunigreichs zu Behem di obgenanten zwu stet Hersprugg und |N022|Aurbach und di vesten zu Hohenstein ewiclich zu rechten lehen halden von dem reich. Mit urkund dicz brives, versigilt mit unser aller ingesigeln, |N023|der geben ist zu Hagenow nach Cristus geburt dreuzen hundert jar, dornach in dem drey und funfczigstem jare, an dem nehsten dienstage|N024|vor aller heiligen tage .