||
Wir Ruprecht der Elter von Gots gnaden pfallenczgraf bei Reyn, dez heiligen reichs oberster truchsezze und her||
czog in Beyrn¬ , bekennen und tun kunt offenlichen mit disem brife allen den, die in sehent oder horent lesen. Allein ||
der allerdurchleuchtigste fürste und herre, her Karl Romischer kunig zu allen zeiten merer dez reichs und ku||
nig zu Beheim¬ , unser lieber gnediger herre, fur sich, sein erben und nachkomen, kunge zu Beheim und grafen zu ||
Luczemburg uns gelobet habe mit seinen kuniglichen gnaden daz er uns, unser erben und nachkomen bei den ||
vesten, die zu seiner grafschafft zu Luczemburg gehorent und die uns fur unser zugelt eingeben und ge¬ ||
antwurtet seind, lazzen und behalden wolle nach brife laute, die wir darüber haben von im und seliger ge¬ ||
dechtnuzse dem hochgeboren fürsten hern Johansen ettwenn kunige zu Beheim, seinem vater, doch durch ||
sunderliche liebe, die wir zu dem obgenanten unserm herren haben, gunnen wir im, seinen erben und nach¬ ||
komen, kungen zu Beheim oder grafen zu Luczemburg daz sie die selben vesten inwendige zwein ganczen ||
jaren zu zelen von sant Merteins tage der schierst kumftige ist, umb also vil gelts, als unser brife sprechen, ||
ledigen und losen mugen nach freyer willekür one alles hindernuzze. Mit urkunde dicz brifes versi¬ ||
gelt mit unserem insigel, der geben ist zu Hagenowe nach Christus geburt drewczehen hundert und in||
dem drew und fumfczigstem jare, dez nechsten eritags nach sant Symonis und Judas tage, der heili||
gen zwelfboten ¬ .