||
Wir Ruprecht der Elter von Gots genaden pfallentzgrafe bei Rein, dez heiligen reichs obriste truchtsezze und hertzog in Beiern, bekennen und tun kunt offentlich mit diesem brive allen, den die in sehen ||
oder horen lesen, daz wir mit wolbedachtem mute, mit rate unser frunde und mit rechter wizzen dem allerdurchluchtigsten fursten und herren, hern Karl romischem kunige ze allen zeiten merer dez reichs und||
kunige ze Behem , unserm lieben genedigen herren seinen erben und nachkomen, kunigen ze Beheim, und der cronen dezselben kunigrichs erbelichen und ewecliehen umb tzwelf tusent marek lotiges silbers, domit ||
er den hochgeborn fursten hern Ruprechten den Jungern, unsers bruders sun, uz seinem gevengnuzze von Sachsen gelediget und geloset hat, die nachgeschrieben vesten Nuwenstat, Stornstein, Hirsow und Lichtenstein und ||
darnach umb tzwentzig tusent marek lotiges silbers, die er uff seliger gedechntnuzze den hochgeborn fursten hern Rudolfen etwenn pfalentzgrafen bei Rein und hertzogen in Beiern, unsern lieben bruder uns wiz¬ ||
zentlich gewendit und im gelihen hait, die nachgeschrieben vesten, stete und merkte Sultzbach, Rosemberg, Hertenstein, Nidstein, Turrendorf, Hiltpoltstein, Hoenstein, Lichtenecke, Frankenberg, Lauffen, Eschem¬ ||
bach, Hersbrucke, Awrbach, Velden, Begnicz und daz Plech und alles, daz unser bruder der egenante ze Beiern innegehabt und besetzen hat, mit allen dorfen, leuten, herschefften, guten, gerichten, ben¬ ||
nen, zollen, geleiten, vorsten, wiltpennen, gulten, zinsen, nutzen, vellen, welden, puschen, geiageden, vogilweiden, wiesen, weiden, waszern, mulen, waszerleuften, teichen, vischerien, bergen, grunden, slich¬ ||
ten, gemirken, kreizzen, weichpilden und allen nutzen ob und under der erden, wie man die genennen mag, und auch mit rittern, knechten, mannen, manschefften, lehen, lehenschefften, verlehenten ||
guten, kirchlehen und gotzgaben, dienern, eigenen leuten, pfantschefften von dem reiche oder sust von ymanden andirs und allen zugehorungen, erbe und eigen, als iz gelegen ist, pfantschafft fur ||
pfantschafft, recht und redelich verkauft haben in alle der maze, als sei der obgenant unser bruder seliger ingehabt und besezzen hat, und als sie von seinem tode uff uns erbeclichen verfallen waren, und ||
vertzihen uns fur uns, unser erben und nachkomen eweclichen allez rechten, ansprache und anredunge, die wir zu den obgenanten vesten, steten, merkten und allen zugehorungen, als sei dovor begriffen ||
sint, gehabt haben, haben oder gehaben muchten in dheine weiz, und vertzeihen uns auch aller hilfe geistlichs und werentlichs rechten und aller gesetze keiserlicher und babstlicher bucher, der lande ge¬ ||
wonheit und aller ubunge und behaltnuzze, domit dieser kauff muchte in dheine weis gehindert werden, und meinen, daz wir, unser erben und nachkomen uns domit nymer in dheinen zeiten mit ||
dem rechten oder mit der tat, mit worten oder werken behelfen sullen oder wullen. Auch geloben wir mit guten truwen angeverd fur uns, unser erben und nachkomen dem obgenanten unserm ||
herren dem kunige, seinen erben und nachkomen, kunigen ze Behem, daz wir yn und der cronen desselben kunigrichs alle die obgenanten vesten, stete, merkte und zugehorungen als sei dovor ||
begriffen sint, versprechen und entwerren sullen und wullen fur unsern vettern, keiser Ludoweigis seligen kinderen, hertzogen Ruprecht dem Jungern, des obgenanten unsers bruder sune und fur ||
allermenlich und fur alle ansprache eines iglichen, wie der genennet sei, als in den landen recht und gewenlich ist. Und zu merer sicherheit haben wir gebeten die erwidigen fursten und ||
herren, hern Gerlach ertzbisschoff ze Mentze, hern Albrecht zu Wirtzburg, hern Gerharden zu Speire die bisschofe, und die hochgebornen fursten hern Rudolfen hertzogen in Osterrich, hern Albrech¬||
ten pfallenczgrafen bei Rein und hertzogen in Beiern ten pfallenczgrafen bei Rein und hertzogen in Beiern, unsern vettern, und die edeln herren Johansen von Katzenelembogen, Ludowigen und Friederichen von Otingen, die graven, und hern ||
Luczen von Hoenloch, daz sei zu ewigem gedechtnuzze und zu getzugnuzz dez obgenanten kaufes ire ingesiegele geruchen bei daz unser an diesen brieff ze henken. Und wir Gerlach von Gots gnaden||
ertzbisschof ze Mentze, dez heiligen reichs ertzcanceler in Dutschen landen , Albrecht von Wurzeburg, Gerhart von Speire, die bisschove, und wir Rudolf hertzoge in Osterrich zu Steyr und zu||
Kernden Albrecht pfallentzgrave bei Rein und hertzog in Beiern von denselben gots gnaden Johans von Katzenelembogen Ludowig und Friederich von Otingen, grafen, und Lutze von Honloch, ||
bekennen offenlich, daz wir durch sunderliche bete dez obgenanten hochgeborn fursten hern Ruprechts dez Eltern pfallentzgraven bei Rein, dez heiligen reichs obristen truchtsezzen und hertzogen||
in Beiern , unser ingesiegele zu getzeugnuzze und zu ewiger gedechtnuzze dez obgenanten kaufes an diesen brieff haben wizzentlich gehenket. Mit urkunt ditz brives, versiegelt mit unser aller in¬ ||
gesiegeln, der gebin ist zu Hagenow nach Crists geburt drutzen hundert jar, darnach in dem drew und funftzigstem jar, an dem nehsten dinstage vor aller heiligen tag.