||
Wir Ruprecht der Eltder von Gots gnaden pfallenczgraf bei Reyn, dez heiligen reichs oberster truchsezze und herczog in Beyrn, embiten allen herren, freyen, mannen, dyenstleweten, rittern und knechten, ||
eygenleweten, buergern und gemeinschefften der stete, schultheizzen, gebaweren und allen lantsezzen, geystlichen und werltlichen armen und reichen, die in den landen kreyzzen und weich ||
bilden der nachgeschriben vesten, steten und merkten gesezzen sind, oder darume lehenguete, oder erbe besiczen, unser gnedlichewe hulde wanne wir, mit wolbedachtem muete, mit rat un¬ ||
serer frewende und mit rechter wizzen dem allerdurchlewechtigstem fuersten und herren, hern Karl roemischem kuenige zu allen zeiten merer dez reichs und kuenig zu Beheim, unserm lieben gnedigem her¬ ||
ren, seinen erben und nachkomen, kuengen zue Beheim, und der kronen dez selben kuenigrichs, erbicliche und ewicliche, uemb zwelftausent margk loetigs silbers, damit er den hochgeboren fuersten, ||
hern Rueprecht den Juengern, unsers brueders suen, auez seinem vanchnuezse, von Sachsen gelediget und geloeset hat, die nachgeschriben vesten Newenstat, Stoerenstein, Hirzsawe und Lichtenstein, und dar¬ ||
nach uemb zweinczig tausent marck loetigs silbers, die er auf seliger gedechtnuezse dem hochgebornen fuersten hern Rudolfen, ertwenne pfallenczgrafen bei Reyn und herczogen in Beyren, unsern lieben ||
brueder, uns wizzentliche gewendet und im gelihen hat, die nachgeschriben vesten, stete und merckte Sulczbach, Rosenberg, Hertenstein, Nydstein, Duerrendorf, Hiltpoltstein, Hohenstein, Lichteneck, ||
Franckenberg, Lauffen, Eschenbach, Herspruck, Auerbach, Begnicz, Velden und daz Plech und alles, daz unser brueder, der egenante zue Beyrn inne gehabt und besezzen hat, mit allen dorfern, leweten, herschef¬ ||
ten, gueten, gerichten, bernen, zollen, geleytten, veersten, wiltbennen, guelten, zinsen, nueczen, vellen, welden, bueschen, geieyden, vogelweyden, wisen, waiden, wazzern, muelen, wazzerleuffen, teychen, vischer¬ ||
eye, bergen, gruenden, slichten, gemercken, kreizsen, weichbilden und allen nueczen, ob und under der erden, wie man die benennen mag, und auech mit rittern, knechten, mannen, manschefften, ||
lehen, lehenschefften, verlehenten, gueten, kirchlehen und gotsgaben, dyeneren, eygenleweten, pfantschefften von dem reiche, oder suest von iemant anders, und allen zugehoeruengen, erbe und eygen, ||
als ez gelegen ist, pfantschafft fuer pfantschafft, recht und redlichen, verkaufft haben, in aller der mazzer, als sie der obgenante unser brueder seliger inne gehabt hat und besezzen hat, ||
und als sie von seinem totde, auf uns erbicliche vervalten waren und haben uns verzigen, fuer uns, unser erben und nachkomen, ewiclichen alles rechten, ansprache und anredunege, ||
die wir zue den obgenanten vesten, steten, merckten und allen zuegehoeruengen, als sie davor begriffen sind, behabt haben, haben oder gehaben moechten, in dheinerweise, und haben und auech ver¬ ||
ziegen aller hilfe, geystliches und werltliches rechten, und aller gesecze, keyserlicher und bebstlicher buech, der lantde gewonheit und aller uebuenge und behaltnuezse, damit diser kauf ||
moechte, indheinenweise gehindert werden und meynen, daz wir, unser erben und nachkomen, uns damit nimmer in dheinen zeiten, mit dem rechten oder mit der rat, mit worten oder ||
wercken behelfen sullen oder woelle. Auech haben wir gelobt, mit gueten trewen, one geverde, fuer uns, unser erben und nachkomen, dem obgenanten unserm herren, dem kuenige, seinen erben und ||
nachkomen, kuengen zue Beheim, daz wir, in und der kronen dez selben kuengrichs alle die obgenanten vesten, stete, merckte und zuegehoeruenge, als sie davor begriffen sind, versprechen und ||
entwerren sullen und woellen, bey namen fuer unser vettern keyser Ludoweigs seligen kinden, herczog Rueprecht den Juengern, unsers brueders suen, den obgenanten und fuer allermenigliche ||
und fuer aller ansprach eines ieclichen, wie der genennet sei, als in den lantden recht und gewoenlich ist, daruemb mit wolbedachtem muet, unbetwuengen und mit freyer wil¬ ||
lekuer, lazzen wir euch allesampte und ieclichen besunder ledige und lose, aller huelduenge, trewen, gelubde und eyde, damit ir uns, unsern erben und nachkomen, als pfallenczgrafen ||
bei Reyn und herczogen in Beyren, und der obgenanten lantde, elichen erben von todes wegen, unsers brueder seligen oder suest in dheinenweise verbuenden gewesen seit oder gesein moechtet, und ||
weisen euch an den obgenanten unsern gnedigen herren, den roemischen kuenig und kuenig zue Beheim, sein erben und nachkomen, kuenge zue Beheim, und an die krone dez selben kuenigrichs, und ||
wollen, und gebieten euch allensampte, und ieclichem besunder, daz ir allesampte und ieclicher besunder zuehant unverzoegenlichen und one alles hindernuzse von eweren, ewerr erben und nach¬ ||
komen, wegen ewiclichen, dem vorgen unserm herren, dem roemischen kuenge, als einem kunge zue Beheim, seinen erben und nachkomen ,kungen zue Beheim, und der kroenen dez selben kueng¬ ||
reichs, gancz trewe, gehorsam und vleizzige undertenikeit geloben hulden und sweren suller, als ewerem rechten erbeherren und in die selben leysten und vollefueren ewiclichen, als ir, ||
ewerr erblichen herschafft zuerecht pflichtige seit, darueber zue groezzerr ewerr sicherheit, geloben wir euch, mit guten steten, trewen, ongeverde, daz wir, euch allesampte und ieclichen, besuender ||
wenne wir dez ermanet werden aller huelduenge, trewen und eyde, damit ir uns indheinenweise verbuenden gewesen seit oder gesein moechte, ledige und lose, sagen und lazzen woellen, mit unser ||
selbes muende und euch an den vorgenanten unsern herren, den roemischen kuenig, und kuenge zu Beheim, sein erben und nachkomen, kuenig zu Beheim, und an die kronen dez selben kuengreichs ||
unverzoegenlichen weisen. Mit urkunde dicz brifes, versigelt mit unserm insigel, der geben ist zu Hagenowe, nach Christs geburt dreweczehenhundert und in dem dreweundfuemfczig¬||
stem jare, dez nechsten dyenstags vor aller heiligen tage .