||
Wir Ruprecht der Elter von Gots genaden pfallentzgrafe bei Rein, dez heiligen reichs obriste truchtsezze und hertzog in Beiern bekennen und tun kunt offentlich mit diesem brive allen den, die in ||
sehen oder horen lesen, daz wir mit wolbedachtem mute,k mit rate unser frunde und mit rechter wizzen dem allerdurchluchtigsten fursten und herren, hern Karl romischem kunige ze allen zeiten||
merer des reichs und kunige ze Behem , unserm lieben gnedigen herren seinen erben und nachkumen, kunigen ze Beheim, und der cronen dezselben kunigrichs erbeclichen und ewecliehen umb ||
tzwelf tusend mark lotiges silbers, domit er den hochgeborn hern Ruprechten den Jungern, unsers bruders son, uz seinem gevengnuzze von Sachsen gelediget und geloset hut, die nachgeschriben vesten Neu¬ ||
westat, Stornstein, Hirsow, und Lichtenstein und dornach umb czwentzig tusent mark lotiges silbers, die er auff seliger gedechtnuzze den hochgeborn fursten hern Rudolfen etwenn pfalenczgrafen||
bei Rein und hertzogen in Beiern , unsern lieben bruder, uns wiszentlich gewendit und gelihen hat, die nachgeschrieben vesten, stete und merkte Sultzbach, Rosemberg, Hertenstein, Nidstein, Turrendorf, Hilt¬ ||
poltstein, Hoenstein, Lichtenecke, Frankenberg, Lauffen, Eschembach, Hersbrücke, Awirbach, Velden, Begnicz und daz Plech, und allez daz unser bruder der egenante zu Beiern innegehabt und besezzen hat, mit allen ||
dorfen, leuten, herschefften, guten, gerichten, bennen, czöllen, geleiten, vorsten, wiltpennen, gulten, tzinsen, nutzen, vellen, welden, puschen, geiageden, vogelweiden, wiesen, weiden, wazzern, mülen, waszerleuften, ||
teichen, wischerien, bergen, grunden, slichten, gemirken, kreizzen, weichpilten und allen nutzen ob und undder der erden, wie man die genennen mag, und auch mit rittern, knechten, mannen, manschefften, lehen, ||
lehenschefften, verlehenten guten, kirchlehen und gots gaben, dienern, eigenen, leuten, pfantschefften von dem reich oder sust von ymanden anders und allen zugehorungen, erbe und eigen, als iz gelegen ||
ist, pfantschafft fur pfantschafft, recht und redelich verkauft haben in alle der maze, als sei der obgenant unser bruder seliger ingehabt und beseszen hat, und als sie von seinem tode uff uns erbeclichen verval¬ ||
len waren, und vertzihen uns fur uns, unser erben und nachkomen ewichtlichen allez rechten, ansprache und anredunge, die wir zu den obgenanten vesten, steten, merkten und allen zugehorungen als ||
sei dovor begriffen sint, gehabt haben, haben oder gehaben muchten in dheine weis, und vertzeihen uns auch aller hilfe geistlichs und werentlichs rechten und aller gesetze keiserlicher und babstlicher büche, ||
der lande gewonheit und aller ubunge und behaltnuzze, domit dieser kauf müchte in dheine weis gehindert werden, und meinen, daz wir, unser erben und nakomen uns domit nymer in dheinen zei¬ ||
ten mit dem rechten oder mit der tat, mit worten oder werken behelfen sullen oder wullen. Auch geloben wir mit guten truwen angeverd fur uns, unser erben und nachkomen dem obgenanten unserm ||
herren dem kunige, seinen erben und nachkomen, kunigen ze Behem, daz wir in und der cronen desselben kunigrichs alle die obgenanten vesten, stete, merkte und zugehorungen, als sei dovor begriffen ||
sint, vosprechen und entwerren sullen und wullen fur unsern vettern, keiser Ludowigis seligen kinderen, hertzogen Ruprecht dem Jungern, dem obgenanten unsers bruder süne und fur allermenlich ||
und fur alle ansprache eines iglichen, wie der genennet sei, als in den landen recht und gewonlichch ist. Und zu merer sicherheit haben wir gebeten die erwirdigen fursten und herren, hern Ger¬||
lach ertzbisschoff zu Mentze , hern Albrecht zu Wirtzburg, hern Gerharden zu Speir, die bisschove, und die hochgebornen fursten hern Rudolfen hertzogen in Osterrich, hern Albrechten pfallenczgrafen||
bei Rein und hertzogen in Beiern , unsern vettern, und die edeln herren Johansen von Katzenelembogen, Ludowigen und Friederichen von Ötingen, die grafen, und hern Lüczen von Honloch, daz sei ||
zu ewigem gedechtnuzze und zu getzugnüzz dez obgenanten kaufes ire insiegel geruchen bei daz unser an diesen brieff ze henken. Und wir Gerlach von Gots gnaden ertzbisschof zu Metze, des||
heiligen reichs ertzcanceler in Deutschen landen , Albrecht von Würtzburg, Gerhart von Speire, die bisschove, und wir Rudolf hertzog in Österriche, zu Steyr und zu Kernden, Albrecht||
pfallentzgrafe bei Rein und hertzog in Beiern von denselben gots gnaden, Johans von Katzenelenbogen, Ludoweig und Friederich von Otingen, graven, und Lutze von Honloch bekennen of¬ ||
fenlich, daz wir durch sunderliche bete dez obgenanten hochgeborn fursten hern Ruprechts dez Eltern pfallentzgraven bei Rein, des heiligen reichs übersten truchtsezzen und hertzogen in||
Beiern , unser insiegel zu getzugnuzze und zu ewiger gedechtnuzze des obgenanten kaufes an diesen brieff haben wizzentlich gehenket, mit urkunt dicz brives, versiegelt mit unser aller insiegeln ||
der geben ist zu Hagenow nach Crists geburt drützen hundert jar, darnach in dem dreu und funftzigstem jare, an dem nehsten dinstage vor aller heiligen tag.