|N001|Wir Bolke von Gotis genaden herczoge in Slezien, herre von Furstenberk und czur Swydnicz, tuen |N002|kunt und bekennen offenlich mit desim bryve allen den, die in sehen odir horen lezen, wanne |N003|der allirdurchluchtegiste furste und herre herre Karl, Romischer keyser czu allen cziten merer|N004|des richis und kunig czu Behemen , unser liber genedeger herre, sinen willen, laube und |N005|gunst mit rechter wissen durch sundirlicher liebe und fruntschaft, willen die her ge¬ |N006|nedeclich czu uns treyt, dor czu gegeben hat, das wir das goltwerk czu dem Richen¬ |N007|steyne in syme lande by Frankensteyn gekouft haben, wedir die edeln Swydegern und |N008|Heynrich, gebruder von Hugwicz czu unserm libe czu haben, so maynen unde lutirn wir |N009|an desim bryve, das das obgenante goltwerk mit herschaft nucze, rechten und mit |N010|siner czuhorunge an den vorbenanten unsern herren den keyser, sine erben und nach¬ |N011|komelinge kunege czu Behemen noch unserm tode gevallen sal ledeclich, ungehindirt |N012|und an alle wedir rede. Mit urkunde dis brifs, den wir vorsegilt haben lazen werden |N013|mit unserm anhangenden ingesegel, gegeben czu Prage an dem nehesten dunyrstage |N014|nach Metevasten nach Gotis geburt driczen hundirt iar in dem sechs und|N015|funfczegistim iare .