|N001|Ich Jost von Rosemberg bekenne und dun kunt offenliche mit diesem brieve allen den, die yn sehen oder horen lesen, alleyne ich etliche brieve koirfursten, fuersten |N002|und steten dez heiligen reichs und ouch dez kunigrichs zue Beheim gesendet habe und mich dorinne derclaget habe, wie daz der allerdurchluchtigiste furste und |N003|herre, her Karl romischer keiser zu allen zeiten merer dez reichs und kuenig zue Beheim, meyn gnediger herre, mich und durch mynen willen meyne bruder |N004|an alle schult verderben wolde und uns zue dem lantrechte zue Beheim, fuer seine herren nicht wulde komen laszen, wie wol wir yme recht zue tuene alwege |N005|geboten hetten, als in den selben brieven, die ich der egenanten Jost, darumb gesendet habe under meynem ingesiegel offenliche begriffen ist, doch sint deme |N006|male daz mir sulcher clage ny noit gescheen ist, wann der egenanten meyn gnediger herre mich und meyne bruder allewege bei rechte gelaszen hait, und mir |N007|und yn frevel oder unrecht ny erczeiget hait in dheinen zeiten, so bekennen ich offenlichen, daz ich in solichen brieven, die ich dar umb gesant hatte, dem |N008|egenanten mynen herren unrechte getan habe, wann mir und meynen brudern dez nie in dheinen stunden noit gescheen ist, und ich darume nicht anders gemey¬ |N009|net habe, mir alleyne, daz ich und meyne bruder mit hilfe fursten, herren und stete zue dez egenanten unsers herren dez keisers gnaden und hulden komen |N010|mochten. Dez gelob ich in guten trewen an geverde dem obgenanten meynem gnedigem herren, dem keiser und kunige zue Beheim, daz ich vor allen fursten, gra¬ |N011|fen, herren, steten und vor allermeyngliche, de hin ich sulche brieve gesendet habe, di selben brieve mit meyn selbes gegenwertikeit und mit lebendiger |N012|stymme und ouch mit meynen offenen brieven, wy der egenanten meyn gnediger herre mir daz gebudet, wyderruffen und wydersprechen sal und wil und dez allewege |N013|bekennen, daz der egenanten myn herre der keiser und kunig zue Beheim mich und meyne brudere bei rechte allewege gelaszen hait und uns dheinerley frevel |N014|oder unrecht ny erczeiget hait in dheinen stunden. Darueber wer daz sache, daz die koirfursten dez heiligen reichs dez beduchte, daz dem egenanten meynem herren |N015|und seynen keiserlichen und kuniglichen wirden und ouch der hochwirdigkeit seynes wesens nicht gnueng gescheen were, suender daz ich darzue mer tun |N016|oder reden suelte, so gelobe ich in guten trewen und an alle geverde dem egenanten meynem herren und allen den obgenanten dez reichs koirfursten, geistlichen |N017|und werntlichen, daz ich denne gehorsam sein wil und alles daz tuen und reden, daz sie mir in den dingen und zue den dingen gebieten und mich heizen. Dez ha¬ |N018|ben ich gebeten die erwirdigen veter und herren in Gote, hern Arnest erczbisschoven zue Prage, hern Margharden zue Auspurg, hern Johansen zue dem Luetmueschiel,|N019|die bisschove und die hochgeborn fursten und herren, hern Bolken zu Valkemberg, hern Johansen zue Troippow, hern Prsymissel zue Tesschin und hern Cunraden zue|N020|der Olsen, die hirczogen , und hern Friderichen hirczogen von Tecken und den edeln herren hern Sbinken von Hasemburg, daz sie yre ingesiegele czue merer sicher¬ |N021|heit und zue geczugnusze legen an dysen brieff. Und wir alle, die vorgenant sein, bekennen und tun kunt offenlichen mit dysem brieve, daz wir durch suen¬ |N022|derliche bede dez egenanten herren hern Jostes von Rosemberg unsere ingesiegele zue geczugnuesze an dysen brieff gehenget haben. Der geben ist zue der Politz |N023| .