|N001|Wir Katherin von Gotis gnadin herczogin von Slesien und frouwe czu dem Brige bekennen und tun kunt offinlich |N002|mit desim brife allen den, di in sehen adir horin lesin, das wir allir sachin, czweinnge und aufleuffe, di czwischin dem |N003|hochgebornen furstin hern Wenczlaw, herczogin von Slesien und herrin czu der Legnicz, unsirm libin sun, an eyme teil und |N004|uns an dem andirn, dy sich czwischin uns irhebit, und ouch uncz uf desin hutegin tak ergangin habin, wy man di mit |N005|sundirlichin wortin genennen mag, uff den allerdurchluchtigstin furstin und herrin hern Karl, Romischin keisir, czu allin|N006|czeitin merer des reichis und kunig czu Beheim , unsirn libin gnedigin herrin, genczlich gegangin sin und gebin im gancze und |N007|vollenkomene macht, di selbin sachin czweinnge und aufleuffe, wor umme das sei mit rechte adir mit fruntschaft, wy er |N008|das noch seynen vornunftin und wirdin czu rate wirdit zu vorrichtin und czu entscheidin und gelobin mit gutin stetin, truwin |N009|an geverd, das wir alle sulche dink und entscheidunge, di der egenant unsir herre der keisir czwischin uns bedirseit noch |N010|rote, siner getruwin vindin, wirdet gancz stete und unverrukt haldin und habin, wollin und sullin, by penen der vorluste |N011|alles unsirs gutis und allis, das wir yczunt habin und noch gewinnen mochtin in kumftigen czeitin. Und des czu or¬ |N012|kunde habin wir gegebin desin brief, versegeltin mit unsirm anhangindin insigil, der gegebin ist czu Prage noch Cristus|N013|geburt dritzenhundirt jarj dor noch in dem sechs und finnfczegstin jar des nohstin sunnabends vor santh Jacobs tak|N014|des heiligen czwelfbotn .