|N001|Wir Paul, Franciscus und Heynrich, kinder Niclausen von Bischofswerde des Eldirn, und wir Heinlin, |N002|Caspar und Herman, kinder Niclaus von Bischofswerde des Jungern, bekennen und tun kunt |N003|offenlich mit desim brife allen den, dy in sehen oder horen lesin, daz wir von dem allirdurchluchti¬ |N004|gisten fursten und herren hern Karle, Romischen keiser, zcu allen zciten merer des riches und kun¬|N005|ge zcu Beheim , unserm lieben gnedigen herren alze eyme kunige zcu Beheim, unsir lehn, di uns |N006|von unsern vetirn, an irstorbin sint, recht und redelich enpfangen habin, und im, sinen erben |N007|und nachkommen kungen zcu Beheim gehuldet, gelobit und gesworn habin, getruwe, gehorsam |N008|und ouch undirtenik zcu sine, alze unsern rechten erbherren und bynamen, iren schaden zcu be¬ |N009|waren und iren vromen zcu werben in ganczin stetin, truwen, und zcu allen den obgenanten |N010|sachen vorbinden wir uns, unsir erben und nachkomen ewiclichen. Mit urkunde dis brifes, |N011|vorsigilt mit unsir des egenanten Pauls und Heinlins ingesigiln, wenne dy andirn unsrer |N012|bruder ingesigil nicht enhaben, der gegeben ist zcu dem Piesk nach Crists geburte driczen |N013|hundirt jar, dornach in dem sechsundfunfczigisten jare an des heiligen send Egidien tage .