||
Wir Adelheit, von Gots gnaden abtesinne zu Pergen, und wir die gemein dez convents da selbes bekennen und tun kunt offenlich mit disem ||
brief allen den, die in ansehent horent oder lesent, wanne der allerdurchleuhtigst furste und herre her Karl, der romisch keyser und kunig ||
zu Beheim , unser genediger herre, uns und unsers closters lewt und gut, die wir haben in der gegende umb Herspruk in sein und seiner ||
nachkumen kunig zu Beheim versprechnuzz, schutz und scherm genedichlich genumen und enphangen hat, als ein kunig zu Beheim und dar ||
umb daz uns, unser lewt und gut in der obgenanten herschaft, dieselben unser herre und ir amptlewt fuderlich versprechen, schutzen und schermen ||
gen allermenigchlich sullen wir und unser closter dem vorgenanten unserm herren und seinen nachkomen kunig zu Beheim in daz ampt gen ||
Herspruk, ierlichen vom unserm closter geben zwo und dreizzig mutt habern und aht mutt roken und von unsern guten aht vogtswein und ||
von iglichem unserm gut, daz der vorgenant unser her mit vogtey innen hat oder haben sol, den vogteweitz und kes, als daz von alter herkomen ist, ||
und uber daz, daz vorgenant ist, sol der vorgenant unser herr sein vorgenanten nachkumen und amptlewt kein bet stewr gab reht gewonheit oder keinerley ||
beswerung uf die egenante unser lewt und gut setzen oder immer gevorden oder von in nemen, und dar umb sullen in unser arm lewt in der egenanten ||
gegende gesezzen ierlichen in daz obgenanten ampt gen Herspruk funtzig pfunt haller antwurten und bezaln, halbe zu sant Michaels tag ||
und halbe zu sant Walpurgen tag, und di vorgenanten haller sullen getrewlich uf die gut geteilt und gelegt worden, dar nach und si gut sint, ||
und igliches mer oder minner getragen mag, und uber daz sol uns vorgenanten herre sein egenanten nachkumen und amptlewt bey allen ||
unsern rechten und freiheit behalten und lazzen beleiben, auz genumen dez halsgerihts oder andere gerihte, als von alter herkumen ||
sint, und wanne der vorgenanten unser her uns und unserm closter solche genade getan hat, dar umb daz uns und unserm closter furbaz hin, ||
alleweg unser reht gantzz gult nach unsers salbuchs sag von allen unsern guten in der obgenanten gegende ierlichen werden, und ob sich dez ||
iemant widersatzt den sullen unser amptlewt darzu twingen und halden, und wo in daz zu swere wurde, so sullen in dez vorgenanten ||
unsere herren und sein nachchumen amptlewt zu dem Hohenstein und zu Herspruk, ernstlich und getrewlich darzu geholfen sein. Ez sol ||
auch der vorgenant unser herre und sein egenanten nachkumen kein unser gut oder keinerley reht daruf niemant geben, leihen, versetzen oder ver¬ ||
kumern, dar von uns und unserm closter schade an unserm rehten gulten oder nutzen komen moht. Ez sol ouch kein unser lowt oder gut ||
fur den obgenanten unsern herren, sein nachkumen kunig zu Beheim oder amptlewt, pfant oder pfantler niht sein, noch fur niemant anders ||
danne fur uns und unser closter, und zu urchunde gebn wir vorgenanten Alheit, abtessinn dez egenanten closters zu Pegren, und wir der egenanten convent ||
dez selben closters, unsern egenanten herren hern Karl, dem Romischen keyser und kunig zu Beheim, und seinen nachkumen kunig zu Beheim ||
disen brief mit unsern insigeln versigelten, die beyde daran hangent. Der brief ist geben do man zalt von Christs geburt drewtzehn||
hundert jar und in dem siben und funftzigstem jar an dem nehsten freytag vor dem suntag in der vasten, so man singet oculi .