|N001|Wir Ulrich und Johans, gebruder lantgraven von Leutenberge, bekennen und tun |N002|kunt offenlich mit diesem briefe allen den, die yn sehen odir horen lesen, daz wir |N003|wol und volkumlich bezalt sein und uns genug ist geschen nun hundirt |N004|schok an einem teil, und von funf hundirt schok groszer prager muntz und |N005|werung an dem andirn teil, die uns der allirdurchluchtigiste furste, unser gene¬ |N006|diger herre her Karle, Romisch keiser und kunig zu Beheim, schuldig was zugel¬ |N007|ten und zu bezalen von kaufes wegen der stat und festen Pegenitz, zweier hofe |N008|vor der stat und des viesschewazzers, deselbes und dar zu der gult zinse recht und |N009|gerichts auf siner stat der alten Pegenitz und der dorfe, die wir von dem stifft |N010|von Bamberg zu pfande hatten, die wir ym und sinen erben und nachkomen ku¬ |N011|nigen zu Beheim und der crone desselben kungreichs recht und redelich verkauft |N012|haben und sagen, dorumb der vorgenanten unsirn herren, sin erben und nachkomen |N013|kunige zu Beheim und die crone desselben kungrichs quit ledig und los der |N014|vorgenanten nun hundirt und funf hundert schok grosser prager muncz und we¬ |N015|rung. Mit craft ditz briefes, versigilt mit unsirn ingesigiln, der geben ist nach|N016|Cristus geburt drutzenhundirt jar dornach in dem syben und funfczigistem |N017|jar an sant Andreas tag des heiligen zwolfbotten .