|N001|Ich Fryderich von Haydeck bekennen und tun kunt offenlich mit diesem brief allen den, die yn sehen odir horen lesen, daz ich vur mich, |N002|alle meyn erben und nachkomen mit fryen wille und umb redeliche sache dem allerdurchluchtigestem fursten und meinem gnedigen |N003|herren hern Karl, romischem keiser, zu allen zeiten merer des reichs und kunig zu Beheim, seinen erben und nachkomen kunigen zu Beheim |N004|und der crone desselben kunigrichs und yn gegenwertekeit desselben meins herren als eyns Romischen keisers und ander dieser nachge¬ |N005|schreben fursten, grafen, fryen herren, rittern und knechten aufgetragen und aufgegeben, habe mit rechter und gewonlicher czerlich¬ |N006|keit den eigetum myner vestene und herschaft von Haydeck und alle ir zugehorunge, und daz derselbe meyn herre als eyn kunig |N007|zu Beheim vor sich, sein erben und nachkomen kunige zu Beheim, und von wege der crone desselben kunigrichs mir und mynen |N008|erben, die vorgenante vestene und herschaft zu Haydeck mit all ir zugehorunge zu rechter edilen lehenschaft und zu aufgebegem haus |N009|und vestene zu all irem willen und notdorft geluhen hat zu edil lehene, und daz ich und meyn erben yn dorumb und mit der¬ |N010|selben warten sal und gehorsam sein als meins hern des keisers, und myne brieve, die dorubir zu beidem teil geben sein volkomlich |N011|halden und begrifen, und seint hiebei gewesen, die hochgeborn fursten und herren her Rudolf, herczoge zu Sassen, des heiligen reichs |N012|obrist marschalk, her Bolko, herezog zu der Swidnicz, und her Redacher, herezog zu Brunswig, die erwirdigen in God vater und herren |N013|her Dyderich, byschoff zu Mynden, und her Albrecht, byschoff zu Swerin, die edilen hern her Burghart, burgraf zu Meygdeburg, hofmeister |N014|des keiserlichen hofs , her Eberhart, graff zu Wirtemberg, her Ulrich der elter, graff zu Helfenstein, her Thome von Koldicz, her Johan |N015|von Rosemberg , her Ulrich vom Nuwenhaus, her Borsse von Rysemburg, der Schenke von Lymburg, her Swiker von Gunderfingen |N016|und ander vil edel und erber lute, und des zu urkund han ich mein ingesegel an diesen brieff gehangen, der geben ist zu Nuremberg |N017|nach Crists geburt drutzenhundert jar darnach in dem sechczigsten jar an sant Clementen tag.