||
Wir Ulrich und Johans, lantgraven zu dem Leutemberg, bekennen und tun kunt offenlich mit dysem brieff allen den, die yn sehen oder horen ||
lesen, wann die edelen herren Heinrich von dem Newenhaus und Ruzze von Luticz, unserr lieben frunde, die sache, die czwischen dem allirdurch¬ ||
luchtigstem fursten und herren her Karl, romischem keyser, zu allen zeiten merer des reichs und kung ze Beheim, unserm lieben genedigen herren, ||
an einem teil, und uns an dem andern teil umb die greniczen des Behemischen waldes verlauffen ist durch gebot des obgenanten unsers herren ||
des keysers und durch unser bete willen entscheiden haben, als hernach geschriben stet, des ersten haben sie gemerket drew puechen mit dryn ||
crewczen under dem Eywimperg uf Dytirstorffer veld und derselb rayn sol stozzen uf Eselarner velde, das do haizzet daz Rutlus, als vere ||
unser merke wendet und nicht furbaz, und an der andern seiten von den dreyn puechen herwider auf czwischen dem Behemischem wald ||
und Dytirstorffer veld, uncz an drey viechten, die ouch gemerket sint, und furbas hinauf als man gerichtigst mag uncz an ein puechen und ||
an ein viechten vor daz haus, die ouch gemerket sint, und von dannen hinab gen Hyrzsteins wercz als verre Reichenstein begriffen hat ||
und herwider auz gen Reichensteiner velde, und wann der obgenante unser herre, der keyser als ein kung ze Beheim bestetigt hat, die egenanten greniczen ||
und raynung, als sie dovor begriffen sint, dorumb sullen und wollen wir und unsir erben und nachkomen dieselben greniczen und raynungen ||
stet und unverruket haben und halden, also daz wir und unser erben und nachkomen der vorgenanten greniczen und raynung ein teil, die an uns ||
gehoret sullen von dem egenanten unserm herren, dem keyser als von einem kunig zu Beheim, seinen erben und nachkomen kunigen zu Beheim ||
und von der cronen desselben kunigreichs ze Beheim zu rechtem lehen und manschafft haben und halden, gleich andern guten, die czu dem Reichen¬ ||
stein gehoren, die wir ouch von dem egenanten unserm herren dem keyser als von einem kunig ze Beheim und von den cronen desselben kunigreichs ze lehen ||
haben und halden. Mit urkund dics brives, versigelt mit unsern ingesigel, der geben ist zu Nuremberg nach Cristus geburt drewczenhundert ||
jar, dornach in dem ein und sechzigstem jar am freytag vor dem suntag als man singet Oculi in der vasten