||
Wir Johannes, lantgrafe zdem Lutenberg, bekennen und tun kunt offenlichen mit disem brief allen den, die in sehent oder horent ||
lesen, daz wir durch fleizzig bet des edeln unsers lieben oheims Friderichs, burcgrafen zu Nurinberg, und auch mit guter ||
gewizzen rat und vorbetrachtung geheizzen und gelobt haben bey unsern trewen, an eydes stat, wer daz der obgenante unserr lieber ||
oheim abgieng, und nicht mer sein solt, des got lang nicht geb e, daz die fruntschaft mit werken vollpracht wurde, die der ||
allerdurchluchtigst furst her Karl, romischer keyser, zu allen zeiten merer des reichs und kung zu Beheim, unser gnediger herre, ||
gemacht und gestift hat mit der elichen konschaft von seines suns wegen des hochgeborn hern Wenczlawen, unsers lieben herren, den ||
er gelobt hat zu geben zu einem elichen manne der edeln Elspeten, des vorgenanten unsers oheim Friderich, burcgrafen zu Nurmberg toch¬ ||
ter, und dieselben sein tochter, unserr mumen, dem vorgenanten hern Wenczlawen zu zelegen, inwendig zehen iaren, die nechst nach¬ ||
einander komen, so sullen und wellen, auch wir bey dem obgenanten unserm eyde getrewlichen on geverde, nach aller unser macht als verre ||
wir vermugen, alles daz genczlichen und unverzogenlichen enden und volfuren, daz der vorgenant unserr oheim gelobt und geheizzen hat ||
in den obgeschribenen sachen, in aller der weyse und form sam die brif sagen, die der selb unserr oheim dauber geben hat on geverde, und ||
sullen auch wir die vorgenanten unsers oheims tochter fruntlichen daran weysen und ernstlichen daczu halten, als verre wir vermugen, nach ||
aller unserr macht on geverde, daz sie die obgeschribene konschaft mit werken ende halde und volfure, als unserr egenanter oheim, ir va¬ ||
ter, die hat gemacht und als auch die brif luten und sprechen, die er daruber geben hat, wer auch daz die vorgenant Elspet ab¬ ||
ging, des got nicht enwelle ee, daz die obgeschriben konschaft vollzogen und vollfurt wurde und unser obgenanter oheim, borc¬ ||
grafe Friderich , ein ander tochter oder mer gewun und liezz, so sullen und wellen wir bey dem obgenanten eyde, die vorgeschribene konschaft ||
mit der eitesten seiner tochter enden und vollfuren in den zilen und in aller der weyse, als vorgeschriben stet, und mit namen ||
als die brif sprechen und luten, die der oftgenant unser lieber oheim, burcgrafe Friderich, daruber hat gegeben, als verre ||
wir vermugen nach aller unserr macht on alles geverde. Mit urchund dicz brifes, versigelt mit unserm anhangenden ||
insigel, der geben ist zu Prage do man zalt von Kristus geburt drewzehenhundert iar und in dem ein und ||
sechczigistem jare an dem achten tag des heiligen leychnams unsers herren .