|N001|Wir Ruprecht der eltere, von Gots gnaden pallenczgreff bii Rine, des heiligen Romschen richs obirster |N002|trozzeze und herzog in Beyhern , und wir Ruprecht der junger, von derselben wirdecheit pallencz¬|N003|greff bii Rine und herezog in Beyhern , bekennen und tun kunt offenliche mit diesem brieffe allen |N004|den, die in sehent oder hornint lesen, wann der aller durchluchtigiste hochgeborn furste und here her |N005|Karl, Romscher keyser, ze allen ziten mere des richs und kunig ze Beheim, unser lieber gnediger |N006|here, begert sich zu uns sunderlichen ze frunden mit kuntschaft unser kinde beydersite, also daz der |N007|obgenante unser gnediger here keyser Karl maint und begert syne dochter Elsabeth ze geben un¬ |N008|sers hertzogin Ruprechts des iungern, egenanten sone, mit namen Ruprechten zu eyme eliche wibe, doch |N009|das wir hertzog Ruprecht der iungere dun das mit rate des obgenanten hertzogin Ruprechts des eltern, |N010|unsers vettern , haben wir die obegenanten herezogin Ruprecht der eltere und Ruprecht der iungere ge¬ |N011|heizzen und geheizzen, ouch mit orkund dis brieffs bii unsern guten truwen an eydes stad, das |N012|wir den egenanten Ruprechten, der da son ist, unsers herezogin Ruprechts des iungern, hie zwischen von sant |N013|Jacobs tage der schierste kompt uber eyn ganczes iar nyendert anderswa geben noch verloben |N014|sollen noch wollen, darumb ob der furgenante unser gnediger here keyser Karl und wir in der egenanten |N015|ziit uber eyn komen mogen mit unsern furgenanten kinden. Geben zum Dillisberge, do man zalte von |N016|Cristi geburthe drutzehen hundert jare, dornach in dem eyn und sechzigisten jare an dem |N017|nehsten dinstage fur sant Jacobs tage .