|N001|Wir Wenczlaw von Gots gnaden kunig zu Beheim, marggraff zu Brandemburg und zu Lusicz bekennen und |N002|tun kunt offenlich mit diesem brieff allen den, die in sehen oder horen lesen, daz fur uns kumen ist der edel |N003|, unser lieber getrewer, und hat uns fleizziclichen gebeten, |N004|daz wir ym, als ein kunig zu Beheim, daz huse Hazzenstein mit den nachgeschriben guten, mit namen, die |N005|stat Bresnicz halb, mit dem czolle doselbist und mit welden Spinnebach halb, Renzendorff halb und die dor¬ |N006|fer Zebenticz, Geiswicz, Hohentanne, Planstorff, Hainstorff, Kurbicz, Kralob und daz lehen Hennkmstorff mit |N007|welden holczern, wisen, weiden, wiltpenten, wazzern, wazzerlauffen, vischerei, eckern, czinsen, gulten, nucz¬ |N008|en und allen zugehornugen, wie man die benennen mag, mit sunderlichen worten besucht und umbesuht, |N009|nichtes uzgenumen, und besunder auch die dorfere Wiemar, Lobe und Mencz, mit allen iren zugehornugen, |N010|alleine uzgenomen, des closters gut zu Waltsachsen, daz daz closter hat zu Mereticz, und gleicherweis, als sie der |N011|edel Thun von Koldicz, unser lieber getrewer, vor besezzen und gehabt hat, und wir sie nu von im kouffet |N012|haben, geruchten, als ein kunig zu Beheim im gnediclichen zu verleihen, des haben wir angesehen, des |N013|egenanten Bernharts redliche bete, und haben mit wolbedachtem mute, mit rechter wizzen und mit rate unser |N014|getrewen und von kunglicher macht zu Beheim dem egenanten Bernhart und sinen erben die vorgenanten vesten, |N015|dorffer und guter in aller mazze, als sie vor beschriben sint, gnediclichen zu einem rechten erplichen, man¬ |N016|lehen, verliehen und verleihen auch, mit crafft dicz briefs und des hat der egenanten Bernhart uns, als einem |N017|kunig zu Beheim, unsern erben und nachkomen, kungen zu Beheim, und der cronen desselben kunigrichs, |N018|als seinem rechten, ordenlichen, naturlichen und erbherren gesworen, gehuldet und gelobet, unsern |N019|frumen getrewlichen zu werben und unsern schaden wenden on geverde. Mit urkunt dicz briefs, versigelt mit |N020|unserm kunglichen insigel, der geben ist zu Prag, nach Crists geburt dreuczenhundert jar, darnach in dem|N021|siben und sechczigisten jar, an sand Barbaren tag, der heiligen jungfrawen .

|N001|per dominum Burghardum, burgravium Magdeburgensis, |N002|wischegradensem prepositum, regni Boemie supremum cancellarium |N003|Johanes Eystetensis