(K)Arolus dei gratia Romanorum rex semper augustus et Boemiae rex ad perpetuam rei memoriam. Dignum est et iustum et consonum rationi, ut ea quae rite et rationabiliter et praecipue in animarum suffragium facta fuerunt, per principem roborentur, etsi quando super hiis favor dominantis requiritur, hunc liberaliter largiatur. Eatenus ad universorum tam praesentium quam futurorum notitiam deducimus per praesentes, quod cum quondam fidelis noster dilectus Bawarus de Bawarow specialem habens devotionem, gratiam et favorem ad monasterium de Sancta Corona Cysterciensis ordinis religiosis . . abbati et conventui eiusdem monasterii devotis nostris dilectis ac ipsi monasterio pro remedio animae suae quaedam bona dederit, quae in littera sua super eo scripta plenius sunt expressa, quam devotus vir dilectus Theodoricus abbas ipsius monasterii de Sancta Corona ad nostram veniens praesentiam nobis exhibuit, petens humiliter et devote, ut donationi praedictae nostrum benignum praeberemus assensum, eamque ratificare et confirmare de benignitate regia dignaremur. Tenor autem ipsius litterae, quae de verbo ad verbum ad cautelam praesentibus inseri fecimus, per omnia talis est: (Folgt der Wortlaut oben namhaft gemachter Urkunde mit diesen Namenschreibungen: Swineitz - Xsidel - Sussen - Moyn - Saltitz - Schirnitz.) Nos quoque praedicti . . abbatis devotis precibus et intentis supplicationibus inclinati donationem de praedictis bonis praedictis abbati et conventui ac monasterio de Sancta Corona per praedictum quondam Bawarum de Bawarow factam gratam habentes et ratam eam ratificamus approbamus et regiae auctoritatis nostrae patrocinio confirmamus, praesentium sub nostrae maiestatis sigillo testimonio litterarum. Datum Mogunciae, anno domini millesimo trecentesimo quadragesimo nono, indictione secunda, Nonis Julii; regnorum nostrorum anno tertio.||
Auf dem Umbug: Per dominum cancellarium||
Johannes Noviforensis R.

Source Fulltext: PANGERL, Goldenkron (=FRA II/37, Wien 1872) S. 113-114