In nomine domini amen. Anno nativitatis eiusdem millesimo trecentesimo nonagesimo quinto, indictione tertia, die Jovis tredecima mensis Maii, hora nona vel quasi, pontificatus sanctissimi in Christo patris et domini, domini Bonifacii divina providentia papae VIIII. anno sexto, in villa Goltpach alias Ditrichstift¹ Pragensis diocesis ante curiam seu domum Henslini dicti Veiertag laici dictae diocesis in mei notarii publici infrascripti et testium praesentia subscriptorum ad hoc vocatorum specialiter et rogatorum constitutus personaliter honorabilis vir dominus Nicolaus presbyter de Gurzym artium liberalium magister studii. universitatis Pragensis procurator et procuratorio nomine venerabilis viri domini, domini Johannis de Duba praepositi ecclesiae Wissegradensis nullo medio ad Romanam ecclesiam pertinentis, prout de mandato suo per instrumentum publicum manu Drslay olim Thomae de Pomuk clerici Pragensis diocesis publici auctoritate imperiali notarii signo et nomine ipsius consuetis consignatum ibidem per eundem magistrum Nicolaum exhibitum sufficienter constabat, habens etiam ab eodem domino . . praeposito Wissegradensi plenum et sufficiens mandatum ad omnia et singula infrascripta. Ubi idem magister Nicolaus de Gurzym discreto viro Wenceslao iudici de Prachaticz ibidem praesenti praecepit et mandavit, ut rusticos, consules (censuales ?) seu incolas ac communitatem praedictae villae Goltpach alias Ditrichstift per se aut alium ad sui praesentiam evocaret et convocaret, qui Wenceslaus iudex ibidem statim Henslinum Veiertag, . . Langoll, Bernczil, Gossl laicos dictae villae personaliter inventos ad praesentiam dicti magistri Nicolai evocavit et convocavit, dicens se plures laicos non potuisse invenire in villa, sed esse in Prachaticz in foro. Quibus sic evocatis (convocatis ?) idem magister Nicolaus procurator primum in wlgari Theutunico et demum in wlgari Boemico talia vel hiis similia protulit et dixit verba: ,Sciatis quod dominus meus dominus Johannes praepositus Wissegradensis michi iniunxit seriose et mandavit, ut de villa praesenti quam inhabitatis, incolis ipsius censitis, hominibus censualibus, iuribus, iurisdictionibus, singulisque pertinentiis ipsius villae honorabilibus et religiosis viris domino Arnoldo abbati hic praesenti et conventui monasterii Sanctae Coronae et ipsi monasterio cederem et condescenderem, pure, simpliciter, omni dolo et fraude semotis, vosque absolverem ab omnibus promissis fidelitatis et obedientiae solempniter vel simpliciter quovismodo domino meo . . praeposito praedicto factis, coniunctim vel divisim, et quemlibet vestrum secundum et iuxta et quemadmodum in processibus et litteris apostolicis et super dictis cessione et ceteris praescriptis plenius continetur. Eapropter secundum et iuxta formam mandati praedicti litterarumque apostolicarum et processuum domini Petri patriarchae Gradensis ego ut procurator domini mei . . praepositi Wissegradensis meliori modo, via, iure, forma et causa quibus melius fieri potest et debet, de huiusmodi villa, incolis, censibus censitis, hominibus censualibus, iuribus, iurisdictionibus et pertinentiis omnibus et singulis huiusmodi villae domino Arnoldo abbati hic praesenti et conventui monasterii Sanctae Coronae praedictis cedo et condescendo pure, simpliciter et sine fraude, vosque et quemlibet vestrum coniunctim et divisim ab omni promisso fidelitatis et obedientiae praestitis (! praestito) vel non praestitis (! praestito) absolvo, libero et liberto, volens et desiderans ut domino abbati hic praesenti et conventui monasterii praedictis (! praedicti) de censibus, iuribus et obventionibus universis huiusmodi villae deinceps et inantea respondeatis absque dolo et fraude taliter et eo modo, quod dominum meum . . praepositum praedictum paruisse mandatis apostolicis cum effectu possit probari et ostendi. Et haec omnia coniunctim et divisim ad vestram et cuiuslibet vestrum deduco notitiam, volens et mandans quod vos hic praesentes haec omnia et singula aliis absentibus fideliter intimetis, intimare et insinuare curetis cum effectu, protestans etiam solempniter et expresse, quod per praemissa nec quaevis alia nil egi nec ago, facio aut facere intendo ultra formam processuum domini Petri patriarchae praedicti, et specialiter quominus dominus meus praepositus aut ipsius successor possit aut valeat petitorio iudicio super huiusmodi villa, iuribus et pertinentiis ipsius universis praedictis cum domino Arnoldo abbate et conventu praedictis experiri.‘ Quibus sic factis dominus Arnoldus abbas praedictus promissum fidelitatis et obedientiae per solempnem stipulationem manuum dictorum rusticorum ad manus suas factam ab eisdem rusticis seu laicis exegit et recepit cum effectu. Acta sunt haec anno, indictione, die, mense, hora, loco et pontificatu quibus supra, praesentibus honorabilibus, famosis et discretis viris dominis Nicolaio in Chrbol, Petro in Chwalssim, Johanne in Ktyss² ecclesiarum plebanis, Wenczeslao in Prachaticz, Jacobo in Netholicz iudicibus, Martino dicto Mertl de Chrbol laicis ad praemissa testibus vocatis et rogatis. Item anno, indictione, die, mense, hora et pontificatu quibus supra in villa Lewczenried in quadam planitie villae eiusdem in mei notarii publici infrascripti et testium praesentia suprascriptorum ad hoc vocatorum constitutus personaliter magister Nicolaus de Gurzim procurator et nomine procuratorio domini Johannis praepositi Wissegradensis supradicti, ubi idem magister Nicolaus procurator modo quo supra Ulrico dicto Prandl et Bernhardo sutore laicis et incolis dictae villae evocatis modo, via, iure et forma quibus supra de dicta villa Lewczenried, incolis, censibus,, hominibus censitis, censualibus, iuribus, iurisdictionibus et pertinentiis ipsius universis cessit et condescendit, promisso fidelitatis et obedientiae, protestatione ac stipulatione modo quo supra subsecutis. Ibidem ad interrogationem magistri Nicolai procuratoris praedicti, videlicet utrum dominus suus dominus Johannes praepositus Wissegradensis dictam villam, rusticos et incolas ipsius alicui donaverit, concesserit seu tradiderit tenendos et regendos, dicti rustici nomine suo et aliorum absentium responderunt dicentes, se de hoc nihil scire omnino, nisi quod dominus Michalko filius Dubczonis census et redditus ab ipsa villa praedicta et rusticis seu incolis ipsius exegit, sustulit et recepit. Acta sunt haec anno, indictione, die, mense, hora, pontificatu et loco ac praesentibus quibus supra. Item anno, indictione, die, mense, hora et pontificatu quibus supra in villa Schreynerslag ante tabernam Hoenlini iudicis ibidem in mei notarii publici infrascripti et testium praesentia suprascriptorum constitutus personaliter suprascriptus magister Nicolaus de Gurzim procurator et nomine procuratoris (! procuratorio) quo supra, ubi idem magister Nicolaus modo quo supra convocatis dicto Hoenlino iudice, Pilgrimo dicto Pilsel laicis villae praedictae de eadem villa, incolis, censibus et iuribus modo, via et forma quibus supra domino Arnoldo ibidem praesenti et conventui praedictis cessit et condescendit sub protestatione ac stipulatione et promisso quibus supra, mandans nichilominus idem magister Nicolaus procurator dicto Hoenlino iudici et volens, ut ipse laicos, rusticos seu incolas villae Johansstift, quorum ipse Hoenlinus etiam iudex existit, coram se evocaret et ab ipsis promissum fidelitatis et obedientiae nomine domini Arnoldi abbatis praedicti reciperet et haec, quae per ipsum facta sunt, eisdem intimaret, videlicet quod ipse de dicta villa Johansstift, incolis, iuribus et pertinentiis ipsius modo quo supra etiam cessit et condescendit sub protestatione praemissa ac modis et conditionibus suprascriptis subsecutis. Acta sunt haec anno, indictione, die, mense, hora, pontificatu, loco et praesentibus quibus supra. Item anno, indictione, die, mense, hora et pontificatu quibus supra in villa Hvntznusch alias Coritho ante domum Welislai iudicis ibidem in mei notarii publici infrascripti et testium praesentia suprascriptorum constitutus personaliter magister Nicolaus de Gurzim procurator quo supra nomine, ubi idem magister Nicolaus modo quo supra convocatis Welislao iudice praedicto, Maczkone dicto Dimowecz, Blahutone et Adam laicis dictae villae de ipsa villa, incolis, hominibus, censibus censitis, censualibus, iuribus, iurisdictionibus et pertinentiis ipsius nec non de villis Ebenaw alias Miezaw, Pulkenstift olim cultis nunc vero desertis et incultis modo, via, iure et sub protestatione quibus supra dicto domino Arnoldo abbati et conventui monasterii praedictis (! praedicti) ibidem praesenti cessit et condescendit promisso fidelitatis et obedientiae modo quo supra subsecutis (! subsecuto). Acta sunt haec anno, indictione, die, mense, hora, loco, pontificatu et praesentibus quibus supra. Item anno, indictione, die, mense, et pontificatu quibus supra hora quasi vesperarum in villa Jadlans alias Mossna in medio ipsius villae in mei notarii publici infrascripti et testium praesentia suprascriptorum ad hoc vocatorum constitutus personaliter magister Nicolaus procurator quo supra nomine convocatis Ditl, Pesscone dicto Sserha et Cruce dicto Krziz laicis ipsius villae, modo, via et forma de ipsa villa, incolis, hominibus censualibus, censitis et iuribus ut supra exprimitur domino Arnoldo abbati ibidem praesenti et conventui saepedictis cessit et condescendit sub protestatione prout supra et promisso ac stipulatione modo quo supra subsecutis. Acta sunt haec anno, indictione, die, mense, hora, pontificatu, loco et praesentibus quibus supra. Item anno, indictione, die, mense, hora et pontificatu quibus supra in villa Sbytyn in mei notarii publici infrascripti et testium praesentia suprascriptorum constitutus personaliter magister Nicolaus procurator quo supra nomine in ecclesia parrochiali in Sbytin villa praedicta, convocatis modo quo supra Swachone viceiudice, Sbynkone, Duchonio et Matyey laicis ipsius villae, ubi idem magister Nicolaus procurator de dicta villa, incolis, censibus censitis, hominibus censualibus, iuribus, iurisdictionibus et pertinentiis ipsius, iure patronatus ecclesiae ibidem et capella heremitarum eidem ecclesiae ut filiam annexae (sic, filia annexa) modo et forma quo supra et protestatione praefato domino Arnoldo abbati ibidem praesenti et conventui monasterii praedictis (sic, praedicti) cessit et condescendit, conditionibus et promissis prout supra subsecutis, protestans nichilominus idem magister Nicolaus procurator quo supranomine, quod ei et in quantum villa Jadlans alias Mossna, de qua supra fit mentio et quam antea resignavit et cessit ac condescendit domino abbati praedicto, alicui alteri deberet seu alter ius ad eandem haberet, quam dominus abbas praedictus ex eo et pro eo, quum duae villae quasi uno et eodem nomine scilicet Jadlans et Jonsdorf vocentur et nominentur in processu domini Petri patriarchae Gradensis, quod extunc nulli wlt et intendit iuri suo derogare et dictam cessionem et condescensionem villae Jadlans pro non cessa et non condescensa wlt habere et haberi.³ Acta sunt haec anno, indictione, die, mense, hora, pontificatu et loco ac praesentibus quibus supra. Item anno, indictione, die, mense, hora et pontificatu quibus supra in villa Blazikstift in quadam planitie convocatis modo quo supra Jacobo iudice, Symone, Michaele et Blazyey laicis ipsius villae in mei notarii publici infrascripti et testium praesentia suprascriptorum constitutus personaliter magister Nicolaus procurator et nomine procitratorio quo supra modo, via et forma prout supra de dicta villa, hominibus, incolis, censibus, prout supra exprimitur, cessit et condescendit domino Arnoldo praesenti ibidem et conventui supradictis sub protestatione et promissis quibus supra. Acta sunt haec anno, indictione, die, mense, hora, pontificatu et loco ac praesentibus quibus supra. Item anno, indictione, die, mense, hora et pontificatu quibus supra in villa Sweynslag ante curiam Martini iudicis ibidem in mei notarii publici infrascripti et testium praesentia suprascriptorum constitutus personaliter magister Nicolaus de Gurzym procurator quo supra nomine, convocatis modo ut supra dicto Martino iudice, Gerl carbonista, Petro Kopp, Jescone et Henslino laicis ipsius villae Sweynslag praedictae, ubi idem magister Nicolaus procurator nomine quo supra de dicta villa, incolis, censibus censitis, hominibus censualibus, iuribus, iurisdictionibus et pertinentiis ipsius universis modo quo supra et sub protestatione ut supra domino Arnoldo abbati ibidem praesenti et conventui monasterii praedictis cessit et condescendit, promisso et stipulatione ut supra subsecutis. Acta sunt haec anno, indictione, die, mense, hora, pontificatu, loco et praesentibus ut supra. Item anno, indictione, et pontificatu quibus supra, sexta feria proxima post festum sancti Stanislai martyris die Veneris quarta decima mensis Maii suprascripti hora tertiarum vel quasi in Scho^enaw ante curiam Michaelis laici ibidem in mei notarii publici infrascripti, testiumque subscriptorum ad hoc vocatorum specialiter et rogatorum constitutus personaliter honorabilis vir magister Nicolaus de Gurzym procurator et nomine procuratorio domini domini Johannis praepositi ecclesiae Wissegradensis prope Pragam suprascripti, convocatis ut supra dicto Michaele, Nicolaio, Johanne alias Jan Lssytyers, Jacobo laicis praedictae villae, ubi idem magister Nicolaus procurator quo supra nomine de dicta villa, hominibus censitis, iuribus, censibus ut supra sub protestatione praemissa domino Arnoldo abbati praesenti et conventui monasterii praedictis (sic) cessit et condescendit, promissis, stipulatione subsecutis. Acta sunt haec anno, indictione, die, mense, hora, pontificatu et loco quibus supra, praesentibus ibidem honorabilibus et discretis viris, dominis Andrea in Sbytin, Petro in Chwalssim ecclesiarum plebanis, Jescone iudice de Chwalssim, Hermanno Johannis de Fonte Karoli Luthomislensis diocesis presbytero notario publico et aliis pluribus testibus circa praemissa. Item anno, indictione, die, mense, hora, pontificatu quibus supra in villa Hyntring Pragensis diocesis in mei notarii publici infrascripti, testiumque praesentia suprascriptorum constitutus personaliter magister Nicolaus de Gurzim procurator quo supra nomine, convocatis ut supra Marzicone, Nicolaio, Vlrico, Henzl alias Henrich, Nicolaio alias Niclos et Stephano laicis eiusdem villae, ubi idem magister Nicolaus procurator nomine quo supra de dicta villa Hintring, hominibus, censibus, iuribus modo, forma, iure et sub protestatione quibus supra domino Arnoldo abbati et conventui supradictis cessit et condescendit, promisso fidelitatis et stipulatione modo quo supra subsecutis. Acta sunt haec anno, indictione, die, mense, hora, pontificatu, loco quibus supra. Item anno, indictione, die, mense, hora, pontificatu quibus supra in villa Svnneberg ante curiam Witkonis laici ibidem in Svnneberg in mei notarii publici infrascripti et testium praesentia suprascriptorum ad hoc vocatorum constitutus personaliter magister Nicolaus de Gurzim procurator quo supra nomine, convocatis modo ut supra Witkone dicto Witek, ||
Henslino et Jacobo laicis villae praedictae, ubi idem magister Nicolaus procurator de dicta villa, hominibus censitis, censibus sub protestatione, modo et forma quibus supra domino Arnoldo abbati ibidem praesenti et conventui monasterii praedictis (sic) cessit et condescendit, promisso fidelitatis et obedientiae ac stipulatione modo quo supra subsecutis. Acta sunt haec anno, indictione, die, mense, hora, pontificatu. loco et praesentibus quibus supra. Item anno, indictione, die, mense, hora et pontificatu quibus supra in villa Seldenaw alias Zelnow ante domum plebani ecclesiae parrochialis ibidem in mei notarii publici infrascripti et testium praesentia subscriptorum constitutus personaliter magister Nicolaus de Gurzim procurator et nomine procuratorio quo supra, ubi idem magister Nicolaus convocatis modo quo supra Mikess iudice, Vlrico et Henrico laicis eiusdem villae Zelnaw, de dicta villa, hominibus, censibus, iuribus, modo, forma et sub protestatione quibus supra domino Arnoldo abbati et conventui suprascriptis cessit et condescendit, promisso fidelitatis et obedientiae ac stipulatione ut supra subsecutis, cedens nichilominus et condescendens idem magister Nicolaus procurator iuri patronatus seu praesentandi (ad) ecclesiam parrochialem villae Zelnaw suprascriptae. Acta sunt haec anno, indictione, die, mense, hora, pontificatu, loco et praesentibus quibus supra. Item anno, indictione, die, mense, hora, pontificatu quibus supra in villa Perfrid circa fontem in medio eiusdem villae situm. in mei notarii publici infrascripti et testium praesentia suprascriptorum constitutus personaliter magister Nicolaus procurator nomine quo supra, ubi idem magister Nicolaus convocatis Petro sutore, Niclos Steynhuser, Niclos Peyerl, Mertl laicis dictae villae Perfrid, in ipsorum praesentia de eadem villa, incolis, hominibus, censibus, iuribus, pertinentiis et de villis Purkstal, Waltirstift et Cristanstift olim cultis nunc vero desertis et incultis sub protestatione et modo ac forma prout supra dominis Arnoldo abbati ibidem praesenti et conventui monasterii Sanctae Coronae praedictis cessit et condescendit modis et conditionibus ac promissis prout supra subsecutis. Acta sunt haec anno, indictione, die, mense, hora, pontificatu, loco et praesentibus quibus supra. Item anno, indictione, die, mense et pontificatu quibus supra hora quasi vesperarum in villa Puckerron ante curiam Andreae laici villae eiusdem in mei notarii publici infrascripti et testium praesentia subscriptorum ad hoc vocatorum constitutus personaliter magister Nicolaus procurator quo supra nomine, convocatis dicto Andrea, Petro filio carbonistae iudice, Nicolaio laicis eiusdem villae in ipsorum praesentia de eadem villa, hominibus, censibus, iuribus et pertinentiis ipsius modo, forma, iure et protestatione suprascriptis domino Arnoldo abbati praesenti et conventui praedictis cessit et condescendit. Acta sunt haec anno, indictione, die, mense, hora, pontificatu et loco quibus supra, praesentibus domino Petro plebano in Chwalssim, Hermanno Johannis de Fonte Karoli notario publico, Jesskone praeposito monasterii Sanctae Coronae praedictis (sic, praedicti) Mixicone de Hazlaw⁴, Gindrzich Kossowecz familiaribus domini Arnoldi abbatis praedicti, testibus vocatis ad praemissa. Item anno, indictione, die, mense et pontificatu quibus supra hora completorii vel quasi in villa Aberslag in medio ipsius villae in mei notarii publici infrascripti et testium praesentia subrascriptorum constitutus personaliter magister Nicolaus procurator quo supra nomine, convocatis Mathiey dicto Maczussek, Matyey, Jacobo villanis ipsius villae, in quorum praesentia idem magister Nicolaus de eadem villa, hominibus, censibus, iuribus et pertinentiis modo et forma et protestatione quibus supra dicto domino Arnoldo abbati praesenti et conventui cessit et condescendit. Acta sunt haec anno, indictione, die, mense, hora, pontificatu, loco et praesentibus quibus supra. Item anno, indictione, die, mense, hora, pontificatu quibus supra in villa Frantal alias Frewdental in mei notarii publici infrascripti et testium praesentia subscriptorum constitutus personaliter magister Nicolaus procurator quo supra nomine, ubi idem magister Nicolaus convocatis Waless iudice, Fridrico, Symone, Petrzikone laicis de Frantal, de dicta villa, hominibus, incolis, censibus, iuribus et pertinentiis ipsius universis unacum iure patronatus ecclesiae parrochialis ibidem in Frevdental modo, forma, iure et protestatione suprascriptis domino Arnoldo abbati praesenti et conventui monasterii praedictis cessit et condescendit, promisso fidelitatis et obedientiae et stipulatione prout supra subsecutis. Acta sunt haec anno, indictione, die, mense, hora, pontificatu et loco quibus supra praesentibus dominis Hostislao in Frevdental, Petro in Chwalssim ecclesiarum plebanis, Johanne cellerario, Adam bursario et Nicolaio granario in Chwalowicz⁵ professis monasterii Sanctae Coronae praedicti. Item anno, indictione, die, mense, hora et pontificatu quibus supra in villa Plesschin ante curiam Jaclini iudicis ibidem in mei notarii publici infrascripti et testium praesentia suprascriptorum constitutus personaliter magister Nicolaus de Gurzim procurator domini Johannis praepositi Wissegradensis prope Pragam, ubi idem magister Nicolaus procurator quo supra nomine convocatis Albl, Nicolaio alias Niclo et Cristl laicis dictae villae et in ipsorum praesentia de dicta villa Pleschin, incolis, hominibus, censibus, censualibus censitis et pertinentiis ipsius universis modo, via, iure et sub protestatione suprascriptis, domino Arnoldo abbati ibidem praesenti et conventui monasterii praescriptis cessit et condescendit, promissis fidelitatis et stipulatione prout supra factis et subsecutis. De quibus omnibus et singulis suprascriptis praefati domini videlicet magister Nicolaus de Gurzim pro suo et domini sui Johannis praepositi Wissegradensis interesse et dominus Arnoldus abbas monasterii Sanctae Coronae pro suo et conventus praedicti interesse petierunt eis per me notarium publicum subscriptum fieri et confici unum vel plura publicum seu publica instrumentum seu instrumenta. Acta sunt haec anno, indictione, diebus, mense, horis, pontificatu, locis et praesentibus supra in proxima continuatione annotatis et descriptis.||
Signum Tabellionatus||
Et ego Michael quondam Nicolai de Prachaticz Pragensis diocesis publicus auctoritate imperiali notarius praedictus convocationi, mandatis, cessioni, condescensioni, fidelitatis promissioni, protestationi, omnibusque aliis et singulis suprascriptis, dum sic ut praemittitur fierent et agerentur, una cum praenominatis testibus praesens interfui, eaque omnia et singula sic fieri vidi et audivi, manuque mea propria conscripsi, publicavi et in hanc publicam formam redegi, signo et nomine meis solitis consignavi, rogatus et requisitus in fidem et testimonium omnium et singulorum praemissorum.

Source Fulltext: PANGERL, Goldenkron (=FRA II/37, Wien 1872) S. 292-303