Johannes episcopus servus servorum dei dilecto filio Adae abbati monasterii Sanctae Coronae Cisterciensis ordinis Pragensis diocesis salutem et apostolicam benedictionem! Personam tuam nobis et apostolicae sedi devotam tuis exigentibus meritis paterna benivolentia prosequentes illam tibi gratiam libenter concedimus, per quam te aliis possis reddere gratiosum. Volentes itaque eandem tuam honorare personam et per honorem tibi exhibitum etiam aliis provideri tuis in hac parte supplicationibus inclinati discretioni tuae conferendi auctoritate nostra donationi tuae hac vice duntaxat sex beneficia ecclesiastica cum cura consueta clericis secularibus assignari, ad collationem, provisionem, praesentationem seu quamvis aliam dispositionem abbatis monasterii Sanctae Coronae Cisterciensis ordinis Pragensis diocesis pro tempore existentis pertinentia¹, pro totidem personis ydoneis, quas ad hoc duxeris eligendas, si qua huiusmodi tempore vel extunc inantea vacaverint; quae eaedem personae per se vel procuratores suos ad hoc legitime constitutos infra unius mensis spatium, postquam ipsis vel eisdem procuratoribus vacationes illorum innotuerint, duxerint acceptanda, conferenda singula beneficia huiusmodi singulis eisdem personis, pro quibus illa reservaveris ut praefertur, etiam si quaelibet personarum earundem unum, duo, tria aut plura benificium seu beneficia ecclesiasticum seu ecclesiastica canonice obtineat seu expectet, cum omnibus iuribus et pertinentiis suis; inhibendi quoque districtius successoribus abbatibus dicti monasterii, ne de huiusmodi beneficiis interim etiam ante acceptationes easdem, nisi postquam eis constiterit, quod personae vel procuratores praedicti illa voluerint acceptare, disponere quoquo modo praesumant, ac nichilominus beneficia huiusmodi quae reservabis, cum vacaverint ut praefertur, personis pro quibus illa reservaveris, post acceptationes praedictas cum omnibus iuribus et pertinentiis supradictis eadem auctoritate conferendi et providendi, etiam de eisdem inducendi quoque per te vel alium seu alios easdem personas vel dictos procuratores eorum nominibus in corporalem possessionem beneficiorum, iuriumque et pertinentiarum praedictorum et defendendi inductas ac faciendi huiusmodi personas vel eosdem procuratores ad illa ut est moris admitti, ipsisque de eorundem beneficiorum fructibus, redditibus, proventibus, iuribus et obventionibus universis integre responderi, contradictores quoque eadem auctoritate appellatione postposita compescendi, non obstantibus quibuscunque statutis et consuetudinibus monasterii et ordinis praedictorum contrariis, iuramento, confirmatione apostolica vel quacunque firmitatis alia roboratis, aut si aliqui super provisionibus sibi faciendis de huiusmodi vel aliis beneficiis ecclesiasticis in illis partibus speciales vel generales dictae sedis vel legatorum eius litteras impetrarint, etiam si per eas ad inhibitionem, reservationem et decretum vel alias quomodolibet sit processum aut si eisdem successoribus vel quibusvis aliis communiter vel divisim a dicta sede indultum existat, quod ad receptionem vel provisionem alicuius minime teneantur et ad id compelli aut quod interdici, suspendi vel excommunicari non possint, quodque de huiusmodi vel aliis beneficiis ecclesiasticis ad eorum collationem, provisionem, praesentationem seu quamvis aliam dispositionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mentionem, et qualibet alia dictae sedis indulgentia generali vel speciali, cuiuscunque tenoris existat, per quam praesentibus non expressam vel totaliter non insertam effectus earum impediri valeat quomodolibet vel differri, et de qua cuiusque toto tenore habenda sit in nostris litteris mentio specialis, plenam et liberam concedimus tenore praesentium facultatem. Volumus autem, quod unus auctoritate nostra huiusmodi beneficia expectantibus eisdem personis et deinde una ex eisdem personis aliis expectantibus huiusmodi et subsequenter singuli alii expectantes singulis personis eisdem alternis vicibus in assecutione beneficiorum huiusmodi praeferantur, quodque per hoc dilectis filiis notariis sedis apostolicae, correctori litterarum apostolicarum, referendariis, cubiculariis et secretariis nostris nec non causarum palatii apostolici et curiae camerae apostolicae auditoribus et eiusdem camerae clericis, nec non litterarum praedictarum scriptoribus et familiaribus nostris, continuis commensalibus in palatio praedicto commorantibus, beneficia ipsa expectantibus, in assecutione beneficiorum eorundem nullum praeiudicium generetur, quodque personae ipsae, quamprimum vigore praesentium beneficia huiusmodi cum cura fuerint pacifice assecutae, beneficia cum eis incompatibilia, quae tunc obtinebant et quae extunc vacare decernimus, omnino dimittere teneantur, quodque gratiae, per quas huiusmodi beneficia forsitan expectabant ut praefertur, nec non processus habiti per easdem et quaecunque inde secuta quoad beneficia cum huiusmodi beneficiis per eas ut praemittitur assecutis incompatibilia duntaxat sint cassa et irrita, nulliusque roboris vel momenti, et quod electiones praedictae de huiusmodi personis per te ut praemittitur faciendae perinde valeant, suumque effectum sortiri debeant ac si die datae praesentium electiones ipsae per te factae fuissent. Et insuper exnunc irritum decernimus et inane, si secus super hiis a quoquam quavis auctoritate scienter vel ignoranter contigerit attemptari, volumus etiam, quod de nominibus et cognominibus personarum, quibus huiusmodi beneficia contuleris, nec non beneficiorum ac de diebus collationum huiusmodi gentes dictae camerae vel collectorem aut succollectorem fructuum et proventuum eidem camerae debitorum in illis partibus deputatum quantocius certificare procures. Datum Romae apud sanctum Petrum VI. Idus Februarii, pontificatus nostri anno seeundo.||
Auf dem Umbug links: Jo. de Bortzow.||
Unter demselben: F. de Montepoliciano.||
Unter dem Umbug rechts: Vier X über einander gestellt und||
Jo. de Prato.||
Jo. de Criuellis.||
Auf der Rückseite: R.||
Ebendaselbst unten in der rechten Ecke: Jo. Kusst.

Source Fulltext: PANGERL, Goldenkron (=FRA II/37, Wien 1872) S. 365-367