Charter: Archivy českých klášterů zrušených za Josefa II. (1115-1760) // ŘC Zl. Koruna 1377 IV 20
Signature: 1377 IV 20
Add bookmark
Edit charter (old editor)
20. April 1377, Prag
Erzbischof Johann von Prag mindert den von dem Netolitzer Bürger Ebrusch zur Abhaltung von vier Jahrtagen gestifteten Zins von 2 Schock 8 Groschen auf 1 Sch. 4 Gr. herab.Source Regest: PANGERL, Stift Goldenkron (=FRA II/37, Wien 1872), S. 151, Nr. 83
Aufgenommen auch in die ,Libri erectionum‘ im Archive des Prager Domkapitels, Tom. II. fol. 13 a, .
Erwähnt bei Balbin, Miscell. lib. V. p. 65.
Abschrift aus dem 15. Jahrhundert
Johannes dei gratia sanctae Pragensis ecclesiae archiepiscopus apostolicae sedis legatus notum facimus tenore praesentium universis, quia constitutus coram nobis religiosus vir dominus Gerhardus abbas monasterii ad Sanctam Coronam ordinis Cisterciensis nostrae diocesis nobis significare curavit, quod licet Ebruss civis in Netholicz piae recordationis dum adhuc ageret in humanis, duas sexagenas et octo grossos Pragenses census annui et perpetui in et super curia unius araturae in Osslicz1 prope Netholicz, cuius curiae inhabitatores dicto abbati et conventui monasterii Sanctae Coronae iam dictae censum et decimas solvere consueverunt, plebano et ecclesiae ibidem in Netholicz dederit ac pie dari et assignari mandaverit, ita tamen ut pro anima dicti Ebruss et parentum suorum singulis quatuor temporibus anniversarius per plebanum ecclesiae in Netholicz peragi deberet, prout in litteris desuper confectis plenius continetur. Quare cum praedicta curia aedificiis omnino careat et agri ipsius a pluribus annis desertati existant, supplicatum igitur fuit nobis pro parte dicti domini abbatis, quatenus censum huiusmodi curiae moderare dignaremur, quia nisi haec fierent, dicta curia cum suis agris in aeternum deserta maneret et nullus se intromittere de eadem et ipsius agros excolere praesumeret praevia ratione. Nos igitur, quia inquisitione diligenti super praedictis praemissa ea invenimus ita esse, prout superius narrantur; ideo censum curiae praedictae moderantes volumus et decernimus, ut inhabitatores seu possessores curiae praelibatae debeant singulis quatuor temporibus et perpetuis inantea temporibus sedecim grossos Pragenses plebano et ecclesiae in Netholicz solvere dare censuare et asignare (sic), tali conditione interposita, quod plebanus, qui est vel fuerit pro tempore, in dictis quatuor temporibus vigilias novem lectionum et quatuor missas sanctas, unam sub nota et tres sine nota, pro animabus dicti Ebruss et parentum suorum„ peragere debeat et officiare perpetuis futuris temporibus sine renitentia et contradictione. In cuius rei testimonium praesentes litteras fieri et sigillorum nostrorum appensione iussimus communiri. Datum Pragae anno domini millesimo trecentesimo septuagesimo septimo, die vicesima mensis Aprilis.||
Auf dem Umbug rechts: Registrata.
Auf dem Umbug rechts: Registrata.
Source Fulltext: PANGERL, Goldenkron (=FRA II/37, Wien 1872) S. 151-152
Notes:
1 Wohl Wolschowitz oder Wolleschowitz (Olšowice), ein Dorf östlich von Netolitz.
Places
- Prag
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
