Ich brueder Conrad Wuerm prior des chlosters Prediger ordens ze Krembs und wir der ganncz conuent daselbs bekennen . . . das wir . . . durich sundrer unserer notdurfft und geprechens willen so uns und dem benanten chloster anligund ist ... und mit purkchfrawn und auch purkherren hannden von erst mit der erwirdigen geistleichen frawn hannden frawn Anna der Chlammerinn die czeit a^ebtesinn des ffrawnklosters ze Ti^ernstain, und mit purkcherren hannden des ersamen herrn hern Michels des Junkchman die zeit spitalmaister ze Czwetl verkaufft haben unsern weingarten der da haisst die Pewnt, des vier jeuch sind und der gelegen ist in dem Lenngenfeld Parcz¹ und der auch unser kaufts guet ist, dauon man alle jar geit ze purkchrecht der obgemeldten purkchfrawn und allen irn nachkomen zehen Wienner phenning an sand Michels tag, und auch dem obgenanten purkcherren und allen seinen nachko^emen zehen Wienner pfenning auch an sand Michels tag und uber al nicht mer . . . dem erwirdigen herrn hern Hannsen dem Neyhem die czeit kellner des chlosters zu der Guldein Coron und allen seinen nachko^emen gebru^edern des benanten chlosters umb ain summb gelts, der wir von in ganncz peczalt sein zu rechter zeit an all schaden . . . (Folgen die üblichen Einantwortungs und Schirm Versicherungsformeln . . . Sigel): mit . . . prueder Conrads des Buerm die zeit prior des egemeldten chlosters Prediger ordens . . . des conuents daselbs . . ., der . . . frawn Anna der Chlammerinn diezeit abbtesinn des frawnklosters ze Ti^ernstain . . ., des ersamen herrn hern Michels Junkchman (und des) erber weis(en) Hanns Kienperger burger ze Stain. - Der geben ist ... vierczehenhundert jar und darnach in dem achtvnddreissigistem jare, an sambstag vor Symonis et Judae.

Source Fulltext: PANGERL, Goldenkron (=FRA II/37, Wien 1872) S. 435