Ich Jacob Grueber gesessen ze Weinczu^erl bekenn fu^er mich, mein hausfrawn und . . . erben, das wir . . . mit ambtmans handen des erbern Hannsen des Langen die zeit der Lechner ambtman ze Weinczu^erl verkaufft haben unser gertel, glegen ze Weinczu^erl zenachst der herren von der Guldein Chron garten und sto^esst an iren hoff und an das gassel und den wagenweg, dauon man jarleich ze purckrecht gibt dem egenanten ambtman und seinn nachkommen sechs Wienner helbling an sand Michels tag und nicht mer, man gibt auch von irem tail garten jarleich ze purckrecht an dem egenanten tag und dem egemeldten ambtman und seinn nachkommen vier Wienner phening und uberal nicht mer, das nu alles zu aim garten gemacht und ingeczogen ist. Das egenant gertel haben wier verkaufft und geben dem ersamen herrn Hannsen Nehem dieczeit kellner des klosters ze der Guldein Coron dem conuent daselbs und allen seinen nachkommen umb ain summ gelts, der wir ausgericht und beczalt sein an schaden . . . (Folgen die Formeln der Einantwortung und Schirmversicherung. . . Sigelankündigung): wann der eberu^ert ambtman nicht insigel enhat, so hat er gebeten den edeln Casparn Zischerl die zeit veldrichter innerhalb des Kamps . . . und wann ich obgenanter Jacob Grueber auch nicht insigel enhabe, dorumb so hab ich gebeten den erbern Hannsen Kienperger (um Anhängung von deren Sigeln). Geben ze Krems . . . vierczehen hundert jar und in dem ainsunduirczikgistem jare, an sand Leonards tag.

Source Fulltext: PANGERL, Goldenkron (=FRA II/37, Wien 1872) S. 441-442