Nos Johanes, dei gracia Pragensis episcopus, notum facimus universis presentes literras inspecturis, quod defuncto nuper Pribico plebano in Pribram et canonico sancti Egidii Pragensis, quorum videlicet tam canonicatus et prebende sancti Egidii predicti qoundam ecclesie in Pribram iur patronatus ad nos pertinet conferende cum condicionem et statum beneficiorum ipsorum sollicite deliberationis studio pensassemus sic prebendam predictam pauperem et exilem invenimus, quo is cui conferemus eandem non honorem sed onus oficium non beneficium et inane nomine ex ea canonici reportaret. Quapropter sic prebende ipsius meliorationi prospicere eiusque proventus erigere decrevimus, ut ille cui nostra libertate collata onus cum honore perticipet et oficium eis a beneficio et labor a premio non discordet. Quod consultius et aptius esse potuisse non vidimus, quam si predictam ecclesiam parochialem in Pribram ipsi prebende unione perpetua iungeremus. Habito ergo cum sapientibus nostris maturo et deliberato consilio ad hoc eciam honorabilium virorum dominorum Petri praepositi, Johanis decani et capituli nostri Pragensis accedente consensu, predictam ecclesiam parochialem in Pribram cum omnibus iuribus, utilitatibus, proventibus, obventionibus et pertinentiis sius universis presentibus et futuris ipsi prebende quondam Pribionis predicti unimus et incorporamus ex nunc et eam in ius prebende ipsius transferimus et ex nunc uolumus esse et perpetuo manere translatam, itaquod de cetero iure et nomine ipsius prebende unum et idem beneficium cum eadem prebenda imperpetuum censeatur. In cuis rei testimonium presentes litteras fieri et sigilli nostri munimine fecimus roborari. Datum Prage Anno Domini millesimo trecentesimo decimo, XVo kalendas Julii, indictione octava, pontificatus nostri anno nono. Et nos Petrus, prepositus Johanes, decanus et capitulum Pragensis ecclesie in signum nostri consensus ad predictam unionem adhibiti sigillum ipsis capituli nostri iussimus hic appendi. Datum loco, anno, die et indictione predictis.