fd)Iofsetten gricben bet, am 11). Sunt 1427.

Wy wylhelm, van godes gnaden Furste to wenden, here to Werle etc. be- kennen openbar myt dessera breue vor vns, vnse land vnde lude vor aldenyenen, de dessen bref seen edder horen lesen. So alse de hoehgeboren vorsten, vnse leuen Oeme hern Otte vnde hern Casemer hertoghen to Stetin etc. sik myt den hoehgeboren vorsten hern vrederike vnd hern Johanse synen sone, Marcgreuen to Brandenborch vnde Borch- grauen to Norenbergh, mit eren landen vnde luden ghevrundet, ghesonet vnde ghentzliken ghesatet vnde entrichtet, yn sulke sone sate vnde entrichtinghe se alle ere helpere vnde hel pers helpere vnde nemelken vns mit vnsen landen vnd luden ghetoghen hebben. So be- scheyden oft wi mit darynne syn willen, so schole wi sulke sone vnde entrichtinge sutuen vor vns vnse lande vnde lude yeghen de erghenante markghreuen vorschriuen vnde vorseghelen; Also hebbe wi vns mit vnsen landen vnde luden na rade vnfes rades mit willen vnd vor- bedachten mode mit den erghenanten Markgreuen van Brandenborch eren landen vnde luden ghentzliken vnde ghar vmrae alle twedracht vnde schelinghe ghestlik edder werlik, wenne, wo, worvan vnde yn welker mate .fik de van der veyde vnde krighes weghene tufehen vns vnsen landen vnde luden den erghenanten Markgreuen eren landen vnde luden wente vp dessen huteghen dach ghemaket vnde vorlopen hebben, vorenet, ghesonet vnde entrichtet etc. (wie in der vorigen Urkunde bis zu Ende aus, nur mit Ausnahme des folgenden Pafsus:) Vnde gefcheghen ycht roueryge edder togrepe yn delser sone, vruntliker sate vnde eninghe vt vnsen landen yn der erghenanten Markgreuen van Brandenborch edder der eren landen so scolen de erbarn vnde de ersame vnse leuen ghelruwen mit namen her helmolt van plesseridder hinrik Moltzan, hinrik van plesse, Mauritius vlotow, Clawes van Redicftorp to dem Boltze, hans Bardenvlet, hinrik van deme kalende, Reymer Nossentin, Boban vlotow vnde hinrik hane, de van Parchim, de van Guftrow, de van warne vnde de van plawe yeghen der erghenanten Markgreuen van Brandenborch manne vnde stede mit namen Jaspar ghanfe hern to Putlist, Achim ghanfe synen sone, her hanse von Quitzow, Bernd Rore, hans rore, Olde Often van Blumendal, E bele Mol endorpe, Bedeke van kerkberch, kone van Redikstorpe, Achim Molendorpe, den van Parleberghe, den van Pritzwalke, den van der kiritze vnde den van hauelberghe vppe ene beleghelke stede vnde dach to samede riden vnde dar en deme andern yeghen enander bi louen, eren, eren waren worden vnde truwen an edeftad ghereden vnde mit handen vnde munde ghelouen, dat fe alle vnd en iewelk vor fik mit gantzen vlite truwen vnde ernste dar na syn vnde dar to helpen vnde raden willen na eren besten vorltentnisse vnde vormoghe, dat wi mit den erghenanten Markgreuen van Branden borch eren landen vnde luden desse bouenschreuen sone vnde entrichtinghe ghensliken stede vnde valle holden fcholen etc. — Desse boschreuen sone, entrichtinghe vnde vrUntlike sate vnde alle puncte vnde artikele, de van vns yn dessen breue geschreuen stan, hebbe wi erghe- nanter her Wilhelm, vorste to Wenden, vor vns alle vnse lande vnde lude den erghe

102

nanten Markgreuen srederike vnde Markgrauen Johanse synen sone bi vnsern vorst- liken eren werden vnde truwen' stede, vaste vnde vnvorbroken to holdende gheredet vnde ghelouet, ghereden vnd glielouen de ok stede vast vnde vnvorbroken bi vnsen vorslliken eren, werden vnde truwen to holden yn aller mate alse bouenschreuen steyt ane arch vnde ane gheverde. Des to ener waren bekantnisse hebbe wi erghenanter Wilhelm vorste to wenden vnse ynghezeghel mit witschop vnde vorbedachten mode an delsem bref hengben laten. De gheuen vnde schreuen is to Templin, an deme daghe des hiileghen lichames, na ghodes bort verteynhundert iar vnde dar na yn deme souen vnde twinteghesten Jare.

£Uod) beni Ctiginalf Itt X. (Scfc. Siab.^td)itti Æ. 81.

MDXXV1. £)ie &erjogtn »on SJfCcflenburg get)t mit ben 9Jiar!grafe« toon 23ranbcnburg tin ©cfyufc* unb SLrwfebuiibnip aus gelm 3cu)re eitt, befonbera gegen bic &er$oge toon SJiecflenburg-

©tavgarb, am 25. 9Zoto. 1427.

Wy katherina, van godes gnaden hertoginn to Mecklenborch vnde Grefinn to Swerin, Bekennen openbar met desseme breue vor vns vnse leuen Sons hern heinrik- ken vnde hern Johan, hertogen to mecklenborch, der wy eyn recht vormunder syn vnde fust, vor alle dy jene, dy dessen brieff syhn edder horen lesen. So alse wy, vnse erge- nanten kindere vnde vnse lande vnde hide van den hochgeborn sorsten hern Johansen vnde hern hinriche uedderen, hertoghen to mecklenborch vnde herren to Stargarden, met Roue vnde brande freueliken vnd met gewalt wedder recht angegrepen vnde drepliken beschedigt syn worden, dat wy vns na rade vnd vulborde vnszer Rede, mann vnde stede in deme lande to mekelnborch, dorch nuttes, sromen, besserung, beschermung vnde fredes willen, dy vns vnsen kindern vnd vnsen landen dorann enstan vnde komen mach, vnd ok up dat wy vns forder sulker bouenschreuen togrepe vnd schaden, dy vns vnsen kindern vnde vnsen landen van den bouengeschreuen heren vnde andern npch degeliken geschyn vnd wedder karen mochten, deste bat up Igeholden magen; hirumme vnde ok van besunder srunlschap wegen met deme hochgeborn sorsten hern fredericken vnd hern Johannsen, marggre- uen to Brandenborch vnde Borggreuen to Norenberch vnde eren eruen frunt- liken uereynet vnde uerbunden hebben, eynen vnde uerbinden vns ok van der ergenanten vnser kinder wegen met en geinwardichliken in crafft desses briefs teyn gancze iar negest na einander uolgende vnde tokomende in solker mate, alse hir na geschreuen steet. To deme irsten dat wy vnd vnse ergenante kinder desse bouengeschreuen teyn gancze iar dy erge nanten marggreuen fredericke, marggreuen Johannse, linen Sone, vude ere eruen sruntliken meynen, eren, fordern, uerantwerden vnd eren schaden warnen vnd ere beste met worden vnde wercken vngeuerliken an alien steden vornemen scholen vnde willen geliker wiisz, esst dat vns suluen edder vnse ergnante kindere an tresse. Wy scholen vnde willen ok

103

den ergnanten marggreuen vnd eren eruen met life vnd gude gelruweliken behulpen vnde geraden syn to alien eren noden vnde krygen kegen alsweme, one allerley hulperede, one arch vnd one geuerd. Tor desser eynung vnde uerbindung tyhn wy vnsen heiligen vader den bawest, dy bilige Romische kerke, vnsen gnedigsten heren den Romiscben etc. konig, dat hilige Ro- mische rike vnde hern wjlhelm, forsten to wenden met synen landen, ouer dy vrv vns nicht uerbinden. Alle desse bouengeschreuen slucke, puncte vnde artikel hebbe wy ergnant fraw katherina, hertoginn to mecklenborch, vor vns vnde vnse ergnante kindere dy bouengeschreuen teyn iar gancz ut den ergnanten marggreuen sredericke, marggreuen Johannsen, synen Sone, vnde eren eruen in guden truwen an eides statt vnd by vnsen forstliken eren, werden vnde truwen geret vnd gelouet, stede, uaste vnde vnuerbroken to holden, alle argelist genczliken hir jnn utgescheiden. Des to orkund. vnde waren bekentnisz hebbe wy ergnante frow katherine, hertoginn to mecklenborch, vor vns vnde vnser ergnanten sons met witschap vnde vulbord vnser manne vnde stede in deme lande to mekelnborch vnse Ingesegil an dessen brieff hengen laten, dy Geuen is to perleberch, an fun the kathe- rinen dage, na godes bort virteinhundert iar vnde dar na in den Souen vnde twintigeften iare.

Slid) triii Concepts.