Joachim, von gots gnaden Marckgraue zw Brandenburgk etc. Vnszern grus zuuorn, Lieben gethruwen. Nachdem wir alhir itzo von ewren geschickten bericht vnd vorstanden, welcher gestalt Ir ewren antheil der steur bewilligt, schur vnd birgeldes, weil dy anderen stende Iren an- theil noch nicht ingebracht, zw erlassen euch beschwerth, Weil wyr aber, wye euch szelbist be- wusth, zw rettung vnszer Stadt Thrcuwen Britzen 8700 thaler vnd im gelichen 5003 thaler interesszen, vnszer kleinotter, auch szonsth anderer mher beschwerlichen auszgaben halben, itzo im kurzen zu uermeidung merglichs schimpfs vnd schadens nottwendig vnd vnvmbgenglich haben musszen, die ding auch ghar keinen lengeren vorzogk gedulden noch liden konnen ader wollen, vorsthen wyr vns, werdet yr dozw dismhal nicht vrsach geben vnd jo dan disses ewren Reuerssa vnschedlich szein szoll, Begem wyr genediglich, wollet den Eynnemern diszmhal eyne jde Stadt jren antheil erlegen vnd vberantworten, auch yr dieszer ding gelegenheit nach darinne ferren hin- derganck nicht suchen vnd do aber dy anderen stende, wie doch nicht sein szol, auch vermog jres antheils zwischen ditz vnd Reminisszere schirste nicht geleich niachen wurden, alszdan szeindt wyr zwfriden, Das Ir ewer gelth auch an euch haltet, allein dasz itziger Zeith domith nicht vor^ zogen vnd dy furstehende beschwerungen mogen erleichterth werden. Dasz gereicht vnsz zw szon

50 i

drem gefallen, in gnaden zw gedencken vnd zw erkennen. Datum Schonbeck, Suntag.* nach Lucie Anno etc. 49.

Vnsercn lieben gethruuen, den geschickten aller vnszer Stedte, itzo zwr Nuwenstadth Eberswalde vorszamlich.

Wad) bent Crtginas be« ©tattar^ioe« ju granffitrt Vur 78.