Codex diplomaticus Brandenburgensis. Sammlung der Urkunden, Chroniken und sonstigen Geschichtsquellen für die Geschichte der Mark Brandenburg und ihrer Regenten, Nr. 190, S. 246
rt<$ten, am 10. 3amiar 1359.
Wir Lodewig der Romer, von gotz gnaden marggraff zu Brandenburg vnd zur Luziz etc., Bekennen offenlich mid dessem offin brive, daz wir mit vorbedachten muete vnd rate vnser gantzen ratiz vnd vnser stede vnd landiz oberein gbetragen haben, wer daz engbe Robir odir dibe vorvest werden in engher stad in vnsem Lande, dizelbin robir vnd dibe die zoln vorvest fin in al vnzem Land, in steten vnd vf vesten. In welcher stad man zi ovirvered, daz man mid warheid der stad, dar zi in vorvestet sin, mid Briven oder suz mit warheid vbir zi komen kan odir mag, Di stad, dar man zi in vindid, di zal obir di egenanten Robir vnd dibe richten, glicber wiz, op zi zi zelber vorvest hetten. Daz habe wir obir ghegeven vnd wollenz ouch alzo ernst- lich ghehalden haben. Wer habir, daz man yemand derfure, di Robir oder dibe hegede oder hu- zed oder spizet, daz man derfure, daz zal man im vnderpilen, daz herz nicht meir tue. Were daz herz dar obir tete meier, zo zold her mit demselben rechte vorwunnen zin, alz di, di den Rob mid der hand ghetan haben. Daz alle desse vorgeschreben word stede vnd gantz vnd vnuorriig- ked zoln bliben, dez habe wir vnze Ingezigil an dessen briv ghehangen, dar obir izt gewezen der wolgeborn her graff Vlrich von Lindow, vnzer liber ghetrewer, vnd die strenghen Rittere her Hasse von Wedil, her Marquard Luderpach, her Hans von Rochow, her Petir von Bredow, vnze Liben ghetrewen, vnd darzu vil andere ghuten Luthe. Datum Berlin, anno domini MCCCLIX0 feria quinta proxima post Epyphanie domini.
8er(. @taM«»n&t» 9?o. 593. <p«g. ©iegrf abgefaHen.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}